Enjoy cooking
Browse through over
650,000 tasty recipes.
Home » » نبدأ بالفراخ المحشية

نبدأ بالفراخ المحشية

Written By Mony on Tuesday, September 23, 2008 | 9:48 PM


الفراخ المحشية سهلة و سريعة و جميلة

.

و لو عملتيها في عزومة ممكن تسد اوي كمان

.

.

.


"المقادير"

فرخة ضغيرة في حدود 1 كيلو

(لفردين)

(او فرد واحد لو اكيل شوي)
بس مش اكتر من كيلو علشان تستوي كويس

نصف كوب ارز

2 ملعقة سمن او زيت

1 بصلة صغير

1 بصلة كبيرة

1 طماطم صغيرة

ورق لوري

حبهان

ملح و فلفل

.

.

.


و نقول لبتاع الفراخ ان الفرخة ديه للحشو علشان مايقطعش رقبتها

.

و بعدين نتبلها من جوة بالملح و الفلفل

(ندعك العظم كويس اوي بالملح و الفلفل و من تحت الجلد)

.

و نسيبها تتبل شوي و نعمل الحشو

.

نجيب نصف كوب كبير رز و نغسله كويس

و بعدين نحمره كويس في حلة فيها ملعقتين سمن او زيت

(حسب الرأي الشخصي)

.

و نفضل نقلب حتي يصل الرز للون الذهبي

و بعدين نزود الماية لحد ما يادوب نغطي الرز ب1سم

.

و اول ما تغلي الماية نوطي النار خالص لحد ما يستوي الرز 3/4سوي

يعني قبل السوا بحاجة بسيطة خالص

.

و بعد ما يخلص الرز

نبشر عليه بصلة صغيرة و نتبله بالملح و الفلفل

و نقلب كويس

.

و بعدين نحشي الفرخة و ندخل الحشو في الزور

(الحصلة)

.

و بعدين نكتف الفرخة

.

و نكون مجهزين حلة علي النار فيها

ماية

و 3 حبهان

و 3 ورق لوري

و بصلة كبيرة مقطعة 4 ارباع

و طماطم صغيرة 4 ارباع
قليل من الفلفل الاسود المطحون

.

.

و لما تغلي الماية نحط الفرخة و نغطيها و نسيبها مبدأياً ثلث ساعة و نشوف لو استوت ولا لاء
.
الملح نضيفة في الاخر علشان مايأخرش السوا

.

ماتنسوهاش علي النار علشان ديه فراخ صغيرة بتستوي بسرعة

والا الفراخ تتهري و الرز يقع في الشربة

.

.

ماتخافوش هتكون استوت انشاء الله

.


و بعدين نطلع الفراخ من الشربة و نسيبها تبرد شوي

و نقطع الجناح بتاعها علشان نعرف نحمرها

.

نجيب طاسة كبيرة و نحط فيها سمن بس كتير شوي

(ملعقتين تلاتة كده)

و بعد ما السمن يسخن

و نحط فيها الفراخ كاملة و نقلبها براحة علي كل الجوانب

و كأنها مشوية

(ماتخافوش السمن ده مش هتشربه الفرخة ده للتحمير بس)

يعني مش هيضر

.

و ممكن نعمل جنبها بطاطس محمرة و سلاطة خضرا و شربة فراخ بالكريمة
(بالجناحين اللي شلناهم)

.

يا رب اكون افدتكم

و بالهنا و الشفا
SHARE

About Mony

4 comments :

oum mouncif rayan said...

very well explained!!! bravo aliki..

Mony said...

oum mouncif rayan

جزاكم الله خيرا

اهم حاجة الطعم
:)
ايه الاخبار؟؟

moshera said...

ana 3ndy tareka tania, w heya anny babel el roz lmodet sa3ten 3la el akal w sa3at basebo fe el maya mn el fagr l7d ama atbo7' eldohr masaln ...... we dah badal ma nsawe el roz ....

Mony said...

moshera

جزاك الله خيرا يا جميل

بس انا هنا مش بسوي الرز
انا بحمره في سمن او زيت على حسب الرغبة و يادوب أغطيه في بشوية مايةعلشان يكون نص سوى


و لو ماعملناش كده الرز هيطلع مكلكع و معجن
واحنا عايزينه مفلفل
:)