Monday, January 24, 2011

Posted by Mony on 8:14 AM 4 comments
السلام عليكم و رحمة الله و بركاته



نبدأها ببسم الله



و نعمل مع بعض حاجة خفيفة كده

بس طعمها رااااائع

ممكن جدا تتاكل لوحدها





**سلطة فراخ**



مقاديرها سهلة و بسيطة جدا





3 او 4 قطع فراخ

(بانيه)

(مقطع شرائح لا طويلة و لا قصيرة و لا تخينة و لا رقيقة)



1خس كابوتش

1/8 زيتون مخلي حلقات

علبة (صغيرة) ذرة حلوة

3فلفل ألوان
(أحمر/اصفر/أخضر)
(على فكرة انا نسيت احط الفلفل الالوان في الطبق اللي في الصورة بس فعلا بيعمل شغل جاامد)








ملعقة كبيرة صوص صويا

ملعقة كبيرة عسل نحل

2ملعقة كبيرة مايونيز

(ممكن 3 لو الموضوع احتاج)



هنقطع الفراخ شرائح زي ما اتفقنا و نبشر معها بصلاية وسط و ملح و فلفل و على النار نعصجهم

و مانغطيهاش

يادوب الفراخ تدخل في السوا

مش عايزينها مستوية اوي علشان ماتتهريش مننا



و نركن الفراخ المستوية

نحطها في الثلاجة لحد ما نحضر باقي المقادير



هنقطه الخس شرائح

و الفلفل الالوان مكعبات وسط لا صغيرة و لا كبيرة

و نحطهم على بعض

و نحط عليهم الذرة الحلوة و الزيتون الحلقات





و نروح للفراخ ونحط عليها العسل و الصويا صوص

(لااااااااا تقلقوا مافيش اي طعم للعسل هيبان)



و نقلب الفراخ على السلطة اللي جهزناها

و نحط عليهم المايونيز

و نقلب كويس اوي علشان كل الطعم يتوزع





و بالهنا و الشفا



بجد بجد

راااائعة





على فكرة الكمية ديه كتييييييير جدا

يعني ممكن تعملوها في عزومة



يالا قولولي رأيكم ايييه



Categories:

4 comments:

mrmr said...

اولا : حمد الله بالسلامه
وباذن الله مش تغيبى علينا
ثانيا : انتى حكمتى بانها روعه
الدور بقى علينا احنا نحكم
وباذن الله اجى واقولك على رايى بعد ما اذوقها لكن لو على طريقتها فهى سهله وبسيطه
مرسى يا قمر على السلطه
اقعدى بالعافيه

Anonymous said...

اذيك يامونى اخبارك ايه تسلم ايدك بجد شكلها تحفه واكيد طعمها كمان ممكن تقوليلى طريقه البط بالبرتقال وكمان اللحم بالكارى معلش اصلى طماعه ومفجوعه

Mony said...

mrmr::

الله يسلمك يا جميل
:)
مستنية رأيك:)

Mony said...

Anonymous::

اهلا اهلا:)
انت واخدة فيا مقلب كبييييير:)
دانا غلباااان

بصي يا ستي البط بالبرتقال هنا في اللينك ده للشيف يسري
انا بثق فيه جدا
http://www.youtube.com/watch?v=kwd78zgLOXs&feature=player_embedded#at=11

اما اللحم بالكاري فانا محتاجة تحديد
علشان كده انت فتحتى عليا طرق كتيييييييييييييير


في انتظارك