Wednesday, January 14, 2009

Posted by Mony on 7:18 AM 5 comments

بعد غيبة طويييييييلة
رجعنا تاني و الحمد لله
.
.
قلت نبدأ كده بحاجة حلوة
تنفع في جميع الاوقات
نعمل
.
كيكة تمر
.
.
.
و التمر زي ما احنا عارفين مفيد جدا
و خصوصا للولاد الصغيرين
علشان بينمي الذكاء و بيطهر المعدة
و بيمنع من تسوس الاسنان علشان فيه مادة الفلور
و الوقاية من السموم علشان بيحتوي علي الصوديوم و البوتاسيوم و فيتامين ج
.
و كتييييييير
لوقعد اتكلم مش هخلص انهاردة
.
طريقة الكيكة ديه شفتها علي قناة فتافيت
كانت عاملاها واحدة اسمها سمر
(مش فاكرة سمر ايه)
.
و لما عملتها
تامر و عبد الله خلصوها في ساعة واحدة تقريبا
.
.
نبدأ بأه في المقادير
.
1\2 كوب ماء
ا ملعقة صغيرة بيكنج صودا
(اللي هي البيكربوناتو او بيكاربونات الصوديوم)
1 ملعقة كبيرة بيكنج باودر
170 جم سكر
(ممكن نقول كوب كبير بتاع الماية الا ربع)
170 جم دقيق
70 جم زبدة لينة
(بدرجة حرارة الغرفة)
150 جم تمر من غير بذر
1ملعقة صغيرة فانيليا سائلة
(او كيس فانيليا)
2 بيض كبير
.
.
(نصيحة: هاتي ميزان بيتي احسن علشان تطلع مظبوطة معاكي,بيتباع في المحمل و اولاد رجب ب 25 جنيه)
.
.
"مقادير صوص الكراميل"
كوب سكر
كريمة سائلة
ملعقتين كبار زبدة
.
.
"الطريقة"
.
.
اولا
.
.
نقطع التمر قطع صغيرة جدا
و نحطة في حلة
و نحط علي الماية(1\2 كوب) لغاية ما تغطي التمر تماما
و نحطهم علي النار
و نسيبه يغلي 5 دقائق تقريبا
و بعدين نرفعة من علي النار و نحط عليه البيكنج صودا
و نسيبه علي جنب حتي يبرد
.
.
في الوقت ده بأه نبدأ في الكيكة
.
نحط الزبدة في طبق غويط و نحط عليه السكر و نضرب حتي يتجانس تماااما و يصبح مثل الكريمة
ثم نضع البيض و الفانيليا و نضرب مرة اخري حتي التجانس التام
ثم نضع الدقيق و البيكنج باودر مع بعضهم نضرب مرة اخري كويس لحد ما يختفي الدقيق تماما
.
.
و بعدين اضرب خليط التمر اللي ركناه علي جنب في الاول
اضربه في الخلاط
و بعدين احطه علي الخليط بتاع الدقيق و اضرب كويس لغاية التجانس التام
.
.
و بعدين اجيب قالب الكيك
(انا بحب اللي فيه فتحة في النص)
.
و ابطنه بالزبدة و الدقيق كويس
و بعدين اصب الخليط فيه
.
و احطه في الفرن في درجة حرارة متوسطة
25 دقيقة تقريبا
.
و لما تطلع من الفرن نسيبها تبرد علي جنب الاول طبعا
.
.
"صوص الكراميل"
.
في طاسة نحط الزبدة و السكر مع بعض علي النار مع التقليب المستمر 5 دقائق تقريبا و ما نقلقش لو اخد لون غامق
و بعد الغليان نهدي النار خاااالص
و نضيف الكريمة و نقلب لغاية ما يتجانسوا تماما بحيث يغلظ قوامة زي الصوص
و نطفي النار
.
***
عند التقديم نحط قطعة الكيك في طبق و عليها الصوص
و ممكن نحط جنبها ملعقة ايس كريم فانيليا
و طبعا
بالف هنا و شفا
Categories:

5 comments:

Anonymous said...

السلام عليكم كنت عايزة اعرف يعنى ايه كريمة سائلة هل هى الكريمة اللبانى او نوع تانى ؟
ولكم كل الشكر ودى اول مرة ادخل الموقع وعايزة اجرب وصفة فارجو الرد

Mony said...

و عليكم السلام و رحمة الله و بركاته

:))
ايون هي الكريمة اللباني
الفريش الكريم
ممكن بتاعة جهينة

قوليلي بأه على النتيجة
:))

Anonymous said...

النتيجة رائعة جزاكى الله كل خير
فعلا عجبتهم كلهم وحسيت انى اكلتهم شئ مغذى فعلا بالا ضافة ان الصوص بتاعها كان رائع

Mony said...

بالصحة و العافية:))
و ألف هنا و شفا
:))

Anonymous said...

شكرا على الوصفة الرائعة ,يمكنكم أيضا مشاهدة 3 وصفات أخرى من كيكة التمر
مختلفة الشكل والمذاق يمكنكم تحضيرها بكل سهولة