Friday, December 5, 2008

Posted by Mony on 12:26 PM 2 comments



ناس كتير سألتني علي سلطة الكول سلو


.


و ماكنش فيه فرصة انزلها


.


و بمناسبة العيد قلت اقول علي كام صنف كده علشان لو في عزومة ولا حاجة


.


.


.


.


نجيب كرنب سلطة


(مهم انه يكون الكرنب الابيض الصغير بتاع السلطة علشان الكرنب العادي بيكون فيه شوية مرارة)




و نقطعه شرائح رفيعة خااالص


.


و نبشر علية جزر


.


بحيث لما نقلب مع الكرنب يكون متجانس


.


و بعدين نحط تقريبا 3 او اربع ملاعق كبار سكر


(طبعا السكر علي حسب الرغبة)


.


و نحط برطمان مايونيز


(مش الكبير)


.


و نقلب كويس


.


لغاية ما يتجانس مع كل الخليط


(بس يكون ثقيل شوي صغيرين)


.


و بعدين نحط نصف البرطمان لبن


(علشان نخفف بيه المايونيز)


.


و نحطه علي الخليط


.



و نقلب كويس حتي التجانس التام


.


و نسيبها شوي كتير في الثلاجة


(ساعتين مثلا)


.


علي فكرة الكول سلو ده ممكن يستحمل يقعد في التلاجة مدة اسبوع كامل


.


و بالهنا و الشفا
Categories:

2 comments:

محمد سويلم said...

فيه طريقة ظريفة بدل اللبن وكل المايونيز ده ممكن نحط كوب لبنة ونصف كوب مايونيز وتطلع تحفة.

mony said...

محمد سويلم


ممكن نجربها برضه مافيش مانع


:)