Tuesday, October 7, 2008

Posted by Mony on 2:23 PM 9 comments

ديه طريقة المايونيز البيتي


طريقة مضمونة و تقعد في التلاجة لمدة اسبوعين كاملين



"المقادير"


1/2 كوب ماء

1/3 كوب دقيق
(اللي هي اكتر من الربع و اقل من النص)
.
ربع كوب عبارة عن
(عصير ليمونة +خل)

ملعقة صغيرة ملح

ملعقة صغيرة سكر

ملعقة صغيرة مستردة

1 كوب زيت

2 بيضة



"الطريقة"


نحط الدقيق علي الماية و ندوٍب كويس


و بعدين نحط السكر و الملح و ندوٍب برضه كويس


و بعدين نحط المستردة


و نقلب كويس جدا لغاية ما كل الخليط يتجانس مع بعضه
و نحط الليمون و الخل و نقلب لآخر مرة


و نحط الخليط علي النار


و نقلب طول ما هو علي النار لغاية ما يتكتل و يكون زي الكورة


(يعني يلف علي الملعقة)



و نسيبه يبرد شوي


و بعدين نضرب البيضتين في الخلاط


و نحط عليهم الخليط اللي عملناه و نضرب كويس في الخلاط لغاية ما يتجانسوا


و بعدين نشغل الخلاط علي سرعة بطيئة و نصب كوب الزيت اثناء ضرب الخليط علي السرعة البطيئة


لكن الزيت يكون نازل بالراحة خاااالص

(يعني تقريبا سرسوب زيت)


و بعد الزيت ما يخلص نزود السرعة و نضرب دقيقة كمان
.
صدقوني الموضوع مش بياخد وقت خالص و اضمن من بتاع بره
.
الطريقة ديه بأه بتوفر كتيييير
.
لانك بتجيبي برطمان مسترده صغير ممكن تعملي منه كذا مرة
.
و كده كده عندك في البيت الماية و الدقيق و السكر و الملح و الزيت و البيض
.
و الكمية اللي بتطلع بتكون مقدار البرطمان الكبير
.
او برطمان كبير و نص من برطمانات مربي فيتراك الصغير
.
.
.
جربوها يالا و قولولي



و كدا خلاص


الحمد لله
Categories:

9 comments:

fatendyab said...

شكراجزيلا
إن شاء الله اعمله واقوله النتيجه
انا عندي الخامات وبحب المايونيز مووووووووت لكن جوزي مش بيرضي يشتريه عشان مش بيحبه

mony said...

fatendyab

جربيه و هيعجبك بإذن الله
و ميزته انه ممكن يقعد في الثلاجة عندك لحد اسبوعين

في انتظار النتائج

fatendyab said...

شكرا حبيبتي

ahmed said...

السلام عليكم
حلوة اكلاتك جدا ما شاء الله

المايونيز انا اعرف انه بيض وخل وزيت بس
وجربته كدا
ممكن اعرف الفرق بين الطريقتين؟
ولا بتاعك صلب والتانى سايل؟

شكرا

ميدو said...

الحمد لله أنا قلت لماما تعمله والحمد لله كويس بس فى غلطة انكم مش كاتبين إمته هنحط الليمون+الخل بس أنا حطتها قبل مانضيف الزيت
(ميدو)

Anonymous said...

روووعة
وان شاء الله أجربه
تسلم يدينك

Mony said...

ميدو

معلش يا فندم على التأخير

و نعتذر طبعا عن الخطأ ده ونصلحه حالا:)

و هو فعلا بيتحط الليمون و الخل في الاول
تخمين في محله
;)

Mony said...

ahmed

آسفة جدا و الله يا فندم على التأخير
و جزاكم الله خيرا على الكلام الطيب:)

طريقتين المايونيز زي بعض
بس لما بنضيف الدقيق بيقعد معانا مدة أطول
بس كده:)

Mony said...

Anonymous

جزاك الله خيرا:)
في انتظار النتيجة:)