|
اكيد كلنا عارفين صينية البطاطس
في حد مايعرفهاش؟؟؟
مش ممكن
انا اتعلمت طريقة ماتاخدش منك وقت خالص
لو لسة راجعة من الشغل ولا حاجة
او تعبانة و مالكيش نفس تقفي كتير في المطبخ
"الطريقة"
طبعا بتبل الفرخة كويس بالملح و الفلفل
(في العظم)
و البصل
و اقطع البطاطس حلقات و احطها في الصينية
(علي حسب العدد)
و بعدين احط الفرخة في النصف
(علي البطاطس)
و بعدين اضرب الطماطم و البصل في الخلاط مع بعض و معاهم الملح و الفلفل
و اصبهم علي الفراخ و البطاطس
(انا بضرب البصل علشان مش بحب شكله و هو حلقات كده)
يعني تخيلوا شكل الصورة من غير حلقات البصل ديه
و احطهم علي النار و اول ما تبدأ تغلي اغطي بورق فويل كويس اوي
و احط الصينية في الفرن
(يكون سخن)
و اسيب الصينية ساعة الا ربع تقريبا
و لما الاقيها استوت
(الفرخة و البطاطس)
اشيل الفويل وافتح الشوًاية علشان تاخد لون حلو كده
و نعمل جنبها رز و سلطة
*ملحوظات*
انا بحط كل حاجة ناية مع بعض و ماتخافوش كل حاجة بتستوي
و مش بحط سمن ولا زيت خالص
الفرخة بتنزل الدهون بتاعتها و بتعمل مرقة مع الطماطم اللي موجوده ريحتها و طعمها حلو اوي
تامر بيموت فيها مع انه مش بيحب الطبيخ
اخر ملحوظة الصورة ديه انا لطشتها من جوجل
و ماشيلتش اسم صاحبتها من عليها اعترافا مني انها مش بتاعتي
(اقل حق لصاحبة الصورة )
بالهنا و الشفا
خطيرررة وسهلة جداااا
متعودتش اعملها الا قليل جدا
هجرب طريقتك وهدعيلك
تسلم ايدك يا قمراية
امووووووووووواه
نوارة
هي فعلا سهلة جدا
و طعمها تحححفة
لان الفرخة بتنزل شربتها في البطاطس و بيبقي طعم البطاطس تحححفة و ريحتها كمان
بالهنا و الشفا يا جميل
جربتها لذيذة فعلا
شكرا جزيلا
Anonymous
بألف هنا و شفا
:))