Wednesday, October 15, 2008

Posted by Mony on 3:18 PM 8 comments


انهارده هعمل شاورمة الفراخ الاول علشان كتير حبوها بالفراخ اكتر من اللحم


مع ان شاورمة اللحم بتعجبني اكتر



الطريقة ديه كان شيف اسامة قال عليها للي عايز يفتح مشروع الشاورمة تجاري يعني


و قال ممكن ست البيت تعملها عادي في البيت في طاسة


بس ديه طريقة الشاورمة بتاعة المحلات



المهم



نبدأ بأه



"تتبيلة شاورما الفراخ"


1/2 كيلو فراخ بانيه


ا كوب زبادي


1 طماطم صغيرة مبشورة


1 بصلة كبيرة مقطعة مكعبات او شرائح
1 ملعقة صغيرة كاري


1/2 كوب خل


1/2 كوب زيت


2-3 ورق لوري صحيح


2-3 حبهان صحيح


ملح


فلفل اسود مطحون

(الشيف قال فلفل ابيض)

1/2 ملعقة صغيرة قرفة


1/2 ملعقة صغيرة زعتر


شطة

(حسب الرغبة)




و في المطحنة نضرب مع بعض الاتي:


3 فصوص ثوم


1ليمونة كاملة بقشرها مقطعة 4 ارباع


3 ورق لوري مطحون


3 حبهان مطحون


1/2 ملعقة صغيرة كمون مطحون





هو ده اللي انا بحطه في الخلطة


بس في حاجات الشيف قال عليها محبتهاش


علشان مش عايزة طعم التوابل هو اللي يغلب



زي


السُماء

المحلب

الجنزبيل المطحون



"الطريقة"


بنقطع الفراخ شرائح

(تقطيع الشاورما)


بنحط الخلطة اللي فاتت ديه كلها علي الفراخ


و نقلب كويس بحيث تتجانس كل المكونات


و نسيبها علي الاقل 6 ساعات


بس يستحسن نحضرها من بالليل



"و عند التحضير قبل الاكل"

نحضر 1 طماطم كبيرة مقطعة مكعبات صغيرة

و 2 فلفل اخضر رومي كبير مكعبات صغيرة


و نحطهم علي جنب




بنحط الشاورما بالخلطة كلها في طاسة غويطة



و نغطي


بس مانقلبش كتير علشان الفراخ ما تتهريش


الفراخ هتنزل ميتها و لما تشربها نحط شوية زيت علشان الفراخ ما تلزقش

و نقلب كويس


و نحط الفلفل الاخضر و نقلب تاني مع بعض كل فترة مدة 5 دقائق


و بعدين نحط الطماطم و نقلب و نطفي النار علي طول علشان الطماطم ما تستويش
و ماننساس نشيل ورق اللوري و الحبهان الصحيح




طبعا بنعمل معاها العيش الصاج

(او العيش المرحرح علي رأي اهل الصعيد)



بنفرد عيش الصاج


و عليه ملعقة تومية


و عليه ملعقتين من الشاورما


و نحط فوق الشاورما خيار مخلل


و نلف الساندويتش بورق الفويل


و بالهنا و الشفا




ملحوظة:

=====


التومية مع شاورما الفراخ بتظهر طعمها


و الشيف بيقول مخلل الخيار احسن مع الفراخ



طبعا ممكن للي مستعجل يجيب عيش فينو ولا كايزر و يعمل نفس الخطوات



يالا بالهنا و الشفا


عايزة حد يجرب و يقول رأيه يا جماعة
Categories:

8 comments:

Anonymous said...

أكيدهتبقي طعمها رائع انا جربت عيش الصاج واكيد هجرب الشورما وهقولك الموقع بتاغعك رائع

ayat said...

انا عملتها النهارده وعملت كمان عيش الصاج وطلع ساندوتش شاورمة رائع.. بجد تسلم ايدك..........عقبال ماأجرب باقى وصفاتك

Mony said...

Anonymous
:)

مستنية رأيك
:)

Mony said...

ayat

بجد بجد فرحتيني بتعليقك ده

بألف هنا و شفا
:)

daliarose said...

تسلم ايديكى
هجرب واقولك النتيجة ان شاء الله :)

جيجى said...

تححححححفة
احلى من شاورمة برة بكتيير كالعادة طبعا

Mony said...

daliarose
لسة مستنية النتيجة
;)

Mony said...

جيجى
تسلميلي حبيبتي
ياترى جربتيها و لا لسة؟