Pages

Loading...

Friday, June 10, 2011

مكرونة بالفراخ و الصوص الأبيض

السلام عليكم و رحمة الله و بركاته

رجعالكم انهردة بأكلة ممكن تكون معروفة بس أنا عن نفسي
أول مرة أعملها

مكرونة عليها فراخ بالصوص الأبيض و المشروم

أكلة خفيفة
سريعة
صيفي
و طعمها جميل

بتسلقي المكرونة عااادي جدا و تركنيها

نكون محضرين صدور الدجاج و متبلينها بالبصل المبشور و الملح و الفلفل
و نقطع صدور الدجاج شرائح
نجيب طاسة غويطة شوية 
و نحط فها زيت يادوب يغطي القعر 
و بعد ما الزيت يسخن نحط الفراخ المقطعة المتبلة و نقلب و احنا و اقفين لحد ما تستوي الفراخ


و نحط عليهم كمية المشروم اللي عايزينها و نفضل نقلب لحد ما الماية تروح منها خالص
و نحط ملعقة كبيرة دقيق و نقلب كويس بسرعة
و ماتخافوش مش هيكلكع و لا حاجة لان مافيش ماية موجودة في الطاسة
نقلب حاجة بسيطة لحد ما الدقيق ياخد لون البيج


و بعدين نحط كوب لبن و نقلب بسرعة
هيمسك بسرعة
نقفل و نحط كوباية ماية و نقلب و النار مقفولة
بس كده


الصوص جاهز يا فندم
ممكن نحط رشة فلفل اسود مطحون و خلاص

و نغرف المكرونة و نحط عليها الصوص من فوق


ممكن كنوع من الديكور نحط رشة كسبرة خضرا مفرومة 
أو ريحان أخضر مفروم



ممكن طبعا نحط الصوص بالفراخ على المكرونة و نقلبها و نقدمها كده



بس لما يكون الصوص بالفراخ من فوق بيكون الشكل أشيك 


المهم أنتوا بتحبوا ايه


و بألف هنا و شفا



ماتنسوش رأيكم في الكومنتات
مهم جدا رأيكم




اشوفكم على خييير المرة الجاية مع التشيز كيك بالفراولة

4 comments:

Alaa Nour El Deen said...

شكرا جدا على الوصفة الجميلة و فى انتظار ال
cheese cake

Mony said...

Alaa Nour El Deen

تم يا فندم
و في انتظار رأيك على الاتنين
:)
بالهنا و الشفا مقدما

Anonymous said...

كمية الفراخ و المشروم قد ايه تقريبا؟

Mony said...

Anonymous

المية على حب عدد اللي هياكل
:))

المهم الفراخ و المشروم يكونوا متجانسين
مافيش حاجة مغطية على حاجة
و كمانعلى حسب انتوا بتحبوا الفراخ أكتر و لا المشروم