Wednesday, October 15, 2008

Posted by Mony on 4:00 PM 2 comments

انا شخصيا بفضل شاورما اللحم ديه عن شاورما الفراخ


الطريقة بتاعة شاورما اللحم بتختلف شويه عن شاروما لفراخ


علشان كده انا حطيتها في بوست لوحدها


"المقادير"

1/2 كيلو لحم بوفتيك او لحم بتلو

(مقطع شرائح)


1 كوب زبادي


1/2 كوب خل


1/2 كوب زيت


1 بصلة كبيرة مقطعة شرائح او مكعبات


1/2 ملعقة صغيرة طحينة


فلفل اسود مطحون


ملح


نصف جوزالطيب مبشور


3 ورق لوري صحيح


3 حبهان صحيح


1/2 ملعقة صغيرة قرفة


1/2ملعقة صغيرة زعتر


قطعة ليًه ضاني
(ممكن الاستغناء عنها)



"و في المطحنة نضرب مع بعض الاتي"


ليمونة كاملة بقشرها مقطعة اربع ارباع


3 ورق لوري مطحون


3 حبهان مطحون





"الطريقة"


بنحط التتبيلة ديه كلها علي اللحم المقطع شرائح


و نقطع معاه لية ضاني

(حتة كده تدي ريحة زي بتاعة برة)


و نسيبها 6 ساعات علي الاقل


و يستحسن من بالليل





و تاني يوم


نحضر 1 طماطم كبيرة مقطعة مكعبات


2 فلفل اخضر كبير مقطع مكعبات


حزمة بقدونس و كسبرة مقطعين صغير خالص





و نحط الخلطة كلها علي النار


و نغطيها كويس علشان اللحم بيحتاج سوا


هتنزل مايتها و لما تشربها نشوف اللحم استوي و لا لسة


و لو استوي نحط شوية زيت علشان ما تلزقش
(لو حطيتي لييه يبقي بلاش زيت)


و بعدين نحط الفلفل و نقلب كل فترة لمده 5 دقائق


و نحط الطماطم ونقلب و نطفي النار مباشرة علشان الطماطم ما تستويش


و بمجرد ما نطفي النار نحط الكسبرة والبقدونس علشان تدي ريحة للشاورمة




و نعملها سندويتشات
(بس ماننساش نشيل ورق اللوري و الحبهان الصحيح)


نحط عيش الصاج


و عليه ملعقة سلطة طحينة


و عليه ملعقتين شاورما


و طحينة تاني من فوق


و في الاخر نحط مخلل اللفت


و نلف السندويتش



و بألف هنا


"ملحوظات"


الشيف هو اللي قال ان صلطة الطحينة احسن علي شاورمة اللحم


و هو اللي قال علي ان اللفت هو اللي انسب مع اللحم


وانا دقتهم كدا و عجبوني اويييي



و اللي عايز يغير براحته












Categories:

2 comments:

ويبا said...

بجد تسلم ايديكي انا بعملها بطريقتك بقي لي سنة ومن ساعتها جوزي بطل يشتريهالي من بره ويقولي انت بتعمليها زي بتاعه بره وكمان اوفر هههههههههههه هو عايز يوفر

Mony said...

ويبا

أكيد نفسك الحلو هو اللي فارق في الطعم

:)))

انا كمان جوزي محرم علي اشتري شاورما او بيتزا من برة

بس انا بحب اتخدم مش اخدم
:(