Enjoy cooking
Browse through over
650,000 tasty recipes.
Home » » مكرونة اسباجيتي بالسوسيس

مكرونة اسباجيتي بالسوسيس

Written By Mony on Monday, June 4, 2012 | 3:07 PM


السلام عليكم و رحمة الله و بركاته

واحدة صاحبتي قالتلي على طريقة تقديم جديدة للمكرونة

فكرتها لذيذة و جديدة و ممكن تخلي اولادك يشاركوا معاكي فيها


هي ديه

مكرونة بالسوسيس



جبت السوسيس و قطعته حلقات مش تخينة و لا رفيعة

وسط يعني

و جبت المكرونة الاسباجيتي و و قسمتها على اربعة

يعني العود الواحد يتكسر لاربع قطع صغنين علشان ولادي مش بيعرفوا ياكلوها لو طويلة

ممكن تقسميها على 3 قطع او نصين بس

زي ماتحبي يعني

و حطيت المكرونة و هي لسة مش مستوية في حلقات السوسيس كده



الموضوع هياخد منك وقت على فكرة فياريت تخلي حد يساعدك من الاولاد او تبدأي من قبل تحضير الغذاء بفترة كافية

و لا تقلقي مش بتاخد وقت في التسوية خالص
المهم
بعد ما تخلصي كل المكرونة مع السوسيس تكوني محضرة ماية في حلة و عليها شوية ملح لسلق المكرونة اللي جهزناها
ملح بسسسسس


هنحط المكرونة لما الماية تغلي
و لما المكرونة تستوي صفيها في مصفاه و سيبيها على جنب
و تحضري الصوص اللي هتقدمي فيه المكرونة
ممكن كذا طريقة
ممن تقديممها بالصلصة عادي


و ممكن في شوية زبدة نشوح فيها نص ملعقة صغيرة ثوم مهروس و نحط فيها المكرونة و نقلبها كويس و تحط عليها رشة بقدونش مفروم و عند التقديم نحط عليها جبن رومي او برميزان مبشور


انا بأه عملت الطريقتين مع بعض بس مع بعض التعديلات

بشرت بصلة صغننة و حطيت عليها ملح و فلفل و بشرت عليهم 2 طماطم وسط يادوب كده علشان يدو لون

و حطيت عليهم نص ملعقة صغيرة ثوم بودرة(اللي كان عندي) ممكن فريش طبعا
و شوية زيت صغننين علشان بس البصل و الطماطم يتجانسوا

لما اتظبط الصوص ده رحت حطيت فيه المكرونة و قلبت

خدي بالك و انتي بتقلبي علشان اتهريش المكرونة

بمجرد ما طفيت حطيت عليها شوية بقدونس مفروم علشان يدي ريحة و طعم حلوين
بيفرق على فكرة

بس كده  

في انتظار اخبار اتجارب
SHARE

About Mony

4 comments :

Bent Men ElZman Da !! said...

انا فعلا عملت المكرونه بالطريقه دى
بس فى الاخر بقى حطيت عليها بشاميل وزيتون ولو فى طماطم بحط وفلفل مقطع صغير وجبنه موزاريلا
كانت طالعه حلوه اوووووى

ان شاء الله اجربها كمان بالطريقه اللى قولتى عليها
تسلم ايدك :)

Mony said...

Bent Men ElZman Da !!

فكرة تقدين حلوة برضه بالباشاميل ديه
نجربا احنا كمان

بألف هنا و شفا:)

Rony said...

نفذت الطريقة بمجرد ماشفتها و عجبت ابنى جدا بس الحقيقة ما عرفتش احط المكرونة فى السوسيس اتقطع منى فاضطريت اقطع السوسيس مع المكرونة لكن طلعت جمبلة سلمت يداك

Mony said...

Rony

تسلم ايدك و ألف هنا لإبنك و ليكي
بس بعد كده تخني شرائح السويس اكثر علشان ماتتقطعش
و هتكون اجمل في الشكل
و كمان ابنك هياكل اكتر


نورتيني يا روني
:))