Enjoy cooking
Browse through over
650,000 tasty recipes.
Home » , » كبدة مشوية بالطريقة االشربينية

كبدة مشوية بالطريقة االشربينية

Written By Mony on Sunday, October 28, 2012 | 11:37 AM


السلام عليكم و رحمة الله و بركاته



انهردة ثاااالث ايام عيد الضحى 

كسل رهييييب و مش عايزة ادخل المطبخ بقالي كتييييييييييييييييير سنة مثلا ولا حاجة
:)))))
المهم اخدت خطوة جريئة و عملت الكبدة المشوية بتااعة شيف علاااااء الشيربيني

الراجل ده فظيييع 

راااائع

:))

المهم مطولش عليكم و ندخل على طووووول في المفيد


تتبيلة الكبدة المشوية



هنقول مقادير لتتبيل  ½ كيلو كبدة



ماء بصلاية وسط 



ملعقة كبيرة ثوم مفروم

ملعقة صغننة مش مليانة كمون مطحون

نصف ملعقة صغيرة كسبرة ناشفة مطحونة

نصف ملعقة صغيرة بصل بودر

نصف ملعقة صغيرة بهارات لحم او مشويات
لو مش عندك مافيش اي مشكلة)

ملعقة كبيرة زيت زيتون

عصير 2 ليمونة

فلفل حامي مقطع شرائح
حسب الرغبة

ملح

الطريقة العويصة بأه
الاول الكبدة بتخلي الجزار يقطعهالك شرائح او انتي اعمليها شرئح بنفسك بس تكون مجمدة نص نص علشان تتظبط معاكي
هنخلط كل لمقادير اللي قلناها فوق و نحط الكبدة عليهم و نسيبهم يتبلوا على الاقل نص ساعة مثلا

ووقت الاكل تحطيها في طاسة ممسوحة زيت  تنفضيه كوي من ي حاجة شابكة فيها من التتبيلة علشان متتحرقش و تقلبيها اول ما تاخد لون على الوش التاني و بعد التسوية تشيليها في طبق التقديم على طووول مش على منديل علشان ماتلزقش و علشان اللي نازل منها ده مش زيت ده صوص يا قطة 

و ريت ماتنسيش تزيني الطبق برشة بقدونش مفروم

:)

بس كده خلاص

 
خدي بالك يا شطورة
الكبدة مابتقعدش كتير على النااااار بالكتييييير 5 دقائق
واحدة لسة سنة اوي مطبخ تقولي دلؤتي ازاااي اجيب عصير البصل .. بصي يا ستي هتبشري البصل عاااادي و تحطي عليه الملح و الفلفل علشان ريحته ماتغيرش و ناخد منه حبة في كف ايدينا و نكون حاطين طبق تحت ايدينا و نعصرالبصل اللي في ايدينا باننا نضغط جامد بحيث ينزل العصير في الطبق و البصل بذات نفسه يفضل في ايدينا بقدرة قادر
و نفضل نعمل كده لحد ما كمية البصل المبشور الي قدامي تخلص
و ممكن تصيلي البصل لمعصور ده في الفريزر في كيس ممكن تشتخدميه تاني في اي اكلة
نصيحة اخوية بالنسبة للبنوتات اللي لسة متجوزين جديد ياريت تغسلي ايدك مباااااشرة بعد العاملة ديه علشان ريحة البصل ماتفضلش في ايدك و الراجل يطفش
اما بأه زميلات الكفاح الزوجات القديمات اووووعي تغسلي ايدك علشان جوزك يتعرف عليكي بسهولة و مايقعدش يلف كتير في الشقة

(;






SHARE

About Mony

10 comments :

أم نور said...

تسلم إيدك

Mony said...

الله يسلمك يا فندم
:)

Unknown said...

تمام تسلم ايدك

semsem said...

شكرا جزيلا على الوصفة الجميلة بس انا قرأت انى ماينفعش اشيل البصل فى الفريزر لانه بينتج منه مواد سامة وممكن تتاكدو من النت

Unknown said...

زي الفل ونصيحه مقبوله ههههههههههههههه

Unknown said...

هههه. استمتعت بلوصفة وبخفة الدم

Mony said...

mayada May
الله يسلمك يا جميل
:)

Mony said...

semsem
تسلمي على المعلومة يا جميل
بس انا اعرف و الله أعلم أن التجميد بيوقفوا بيه أي تفاعلات
الحاجة بتفضل بحالتها زي مادخلتيها بالضبط
مثال زي البصل مثلا
بعد ما تبشريه لو سبتيه برة شوية بتلاقي طعمه و ريحته اتغيروا
مابيحصلش كدة أبدا لما احطه في الفريزي مباشرة بعد البشر

نورتيني يا سمسم
:)

Mony said...

Samar Bakry
اي خدعة
;)

Mony said...

roaa mohamed
وانا استمتعت بردك الجميل
:)