Enjoy cooking
Browse through over
650,000 tasty recipes.
Home » » الطرب

الطرب

Written By Mony on Wednesday, October 12, 2011 | 4:35 AM

بما اننا داخلين على موسم الأضاحي

نبدأ نجرب بأه الوصفات الخاصة باللحم الضانى و مشتقاته

هنعمل انهردة ال" طرب"

الطرب ده اساسي فيه المناديل الضاني

لو حتذبحوا في العيد وصي الجزار يطلعهولك على جنب
او اشتريه من الجزار عادي
و قطعيه زي ما بنقطع الكرنب (مستطيلات) و شيليه

و بنجيب لحمة مفرومة عادية و نحط عليها بصل مبشور مصفى من الماية بتاعته(نصفي كويييييس)
و نحط عليه ملح و فلفل و ممكن كمان كبابة صيني مطحونة بتدي طعم رائع

و نقلب اللحم المفروم مع كل الكلام ده
و نبدأ نحشي المناديل اللي جهزناها قبل كده و قطعناها
نصبع اللحم المفروم حاجة اكبر من شكل الكفتة حاجة بسيطة

 
و نرصها في صينية 

و ندخلها الفرن على درجة حرارة بين عالية و وسط
و لااااا تقلقي كل الدهون اللي في المناديل ديه هتسيييييح


نفتح الفرن و نصفي الدهون اللي نزلت ديه

و ندخلها تاني لحد ما كل الدهون تنزل خاااااالص وتاخد لون الشوي

و بعد كده ممكن نحط معاها فحمة مولعة علان تاخد ريحة الشواء

و ممكن نشويها اصلا من الاول و تبقى حفلة شوي

يعني تتحط في سيخ و على الفحم

و ديه طريقة تانية للطرب بتتبيلة مختلفة
من البرنامج المتميز "عباسيات"

http://www.youtube.com/watch?v=hNRNkCMyYko
:)
بألف هنا و شفا
:)
SHARE

About Mony

7 comments :

دعاء said...

السلام عليكم

من زمان ما عديتش عليكي
عاملة ايه؟

بالنسبة للطرب
تصدقي عمري ما أكلته
مع اني بحب الحاجات دي
يمكن عشان دايماً يقولوا دسم قوي
بس طالما سهل كده يبقى أجربه بقى
إن شاء الله

شكراً على الطريقة السهلة
سلام

عائشة said...

بس بقى جوعتينى ايه الافترا ده هههههههههه

بصى فى مرة عملت الطرب بس مشلتى فى السوا معرفش بيتحمر ويتحرق ومع ذل اللحمة بتبقى نية العيب فين بقى ياترى ؟؟؟

وشكرا ياحبيتى على الطريقة الواحد يجهز نفسه عشان العيد على الا بواب كل سنة وانتى طيبة والشاطرة اللى زيى كدة لازم تتعلملها حاجة تنفعها عشان تعرف تتباهى بيهم قدام اهلها وجوزها

تسلم ادي يا حبيبتى

Mony said...

عائشة

:)
لا لا لا يا ايوشة تحمير ايه
دانتي لما حتحطيها في الفرن هينزل منها دهن السنين و تقعدي تصفي الدهن و ترجعيها تاني تكمل سوا

جربيها في الفرن و تابعيها
و قوليلي ايه رأيك
:)

Mony said...

دعاء

أهلا بيكي يا جميل

هو ممكن يكون ثقيل شوية في الاكل بس ده حاجة جانبية مش اساسية في الاكل
ممكن جنبه رقاق باللحم المفروم مثلا

و لو تعملي جنبه سلطة زبادي علشان تخففه شوية على معدتك

نكهة مغربية said...

السلام عليكم و رحمة الله
عمل ايه يا طباخة يا مبدعة يا نشيطة
فكرة حلوة للفرن احنا في المغرب بنعما نفس الطريقة مع الكبدة على الشواية و الفحم تحفففففة كل المغاربة دا غداهم يوم العيد الكبير

لو مفهاش رزالة كنت عوزة اسألك عن حالة خالك اللي وقع في المسبح عامل ايه دوقتي حرك رجليه ؟ و الله من زمان كنت عوز اسأل عليه بس كنت بتغيبي على المدونة

Mony said...

نكهة مغربية

أهلا أهلا
اين انتي يا جميل و فين مدونتك؟؟


جزيت خيرا على كلامك الجميل
بس انا مترضة على نشيطة هو انا لو نشيطة كان ده بقى حال المدونة

:))

هو فعلا الطرب بيتعمل على الفحم و بيكون اطعم بكتير
انما الفرن ده بديل لربة المنزل اللي مش عندها شواية الفحم متوفرة طول الوقت
:))

و بالنسبة لخالي للأسف الحال كما هو ولا يوجد جديد
المفروض له ثلاث عمليات في النخا الشوكي و نسبة نجاحهم 25% لكن تكلفتهم عااااالية جدا و النسبة مش مشجعة

الله المستعان
ربنا يرزقه الشفاء من واسع فضله و كرمه


نورتيني يا جميل بزيارتك الحلوة
و مستنية مدونتكترج تاني
:))

نكهة مغربية said...

الله يشافيه و يخفف عنو ما بلاه
ربنا يرزق الشفا عاجلا غير اجلا

بالنسبة للمدونة و الله بقالها تقريبا سنتين من غير جديد الكسل و عمبلو هههههههههههه

عندك حق الفرن بديل سريع و عملي
بس في العيد ضروووووووووووووري الفحم و ملفوف الكبدة
جوعتيييييني و انا بحكي

نهارك سعييد
و كل سنة و انتو بالف خير