Enjoy cooking
Browse through over
650,000 tasty recipes.
Home » » كيكة الكريم كراميل

كيكة الكريم كراميل

Written By Mony on Saturday, July 2, 2011 | 7:55 AM

السلام عليكم و رحمة الله و بركاته

عملنا ايه انهردة؟؟


عملنا كيكة بالكريم كراميل






شوفتها في منتديات كتير بطرق مختلفة
حاولت استخلص الطريقة اللي ممكن تتصدق و تكون قريبة من الحقيقة
و جربتها و طلعت ناااااجحة و لله الحمد

المقادير:
للكريم كراميل:
2 باكو كريم كراميل
ملعقة كاكاو

و يتعمل الكريم كراميل زي ماهو مكتوب في طريقة العمل بالضبط
بس هيقولك تذاب محتويات الكيس في 2 كوب لبن
هنا بأه هنختلف و ندوبها في 1 و نص كوب لبن بس
يبقى هندوب كيسين الكراميل في 3 كوب لبن ساخن و معاهم ملعقة الكاكاو
و نحطهم على النار و قبل بدأ الغليان نطفي النار على طول
و نكون محضرين الصينية اللي هنعمل فيها
و نحط السكر المحروق في قعر الصينية
و نحط عليه الكراميل اللي عملناه
و نحطهم في الفريزير لحد ما نعمل باقي المقادير

مقادير الكيكة:
¾ كوب سكر
¼ كوب زيت ذرة
ندوبهم مع بعض لحد مايبقوا زي الكريمة
و نحط 2 بيضة و معاهم الفانيليا
و نضرب
نحط 1 و ¼ كوب دقيق + كيس و نصف بيكنج باودر+ملعقة صغيرة نشا
و نضرب
هنلاقي الخليط ثقل جدا
نحط ½ كوب لبن
و نضرب

كده عملنا الكيكة
نجيب الصينية اللي فيها الكريم كراميل يكون جمد شوية
و نحط عليه عجينة الكيكة
و نحط الصينية في حمام مائي و في الفرن
لمدة ساعة تقريبا  على درجة حرارة 200
بس نكون محميين الفرن من قبلها
هي بتداخد من ساعة لساعة و ثلث حسب الفرن
ابتداءً من ساعة ممكن تلقي عليها نظرة و تحطي طرف السكينة لو طلعت نظيفة يبقى خلاص
و تطلعيها من الفرن على الفريزر عدل
بعد ساعة  ولا ساعة و نص ابقي بصي عليها
و اقلبيها في طبق كبير


على فكرة ممكن تخلي الكيكة اللي بالشوكولاتة و الكريم كراميل بالفانيليا عادي
عكس ما انا عملت يعني
ساعتها مش هنحط في الكريم كراميل الكاكاو و هنشيل من مقدار الدقيق ملعقة و نحط مكانها ملعقة كاكاو

و بالهنا و الشفا
SHARE

About Mony

7 comments :

Great wishes said...

انا عملت الكيكه و طعمها حلو اوى بس الكيكه تقيله جدا و مكبوسه هى كدا فعلا ولا انا عملت غلط؟

Mony said...

Great wishes

تسلم ايدك يا جميل
معلش على التأخير في الرد


الكيكة مش بتكون زي باقي الكيك هشة
ماتنسيش ان الكريم كاميل اللي تحتها بيأثر فيها و بيخليها ثقيلة شوية
بس مش دسمة



المهم:)
الف هنا و شفا:)

الفقيرة إلى الله أم البنات said...

وحشتينى انت فين تسلم ايدك يا ست الكل

Mony said...

الفقيرة إلى الله أم البنات


ربنا يكرمك يا ميل و يبارك فيكي و في بنوتاتك:)


نحن هنا
:)

Anonymous said...

maro
انا عملتها و طعمها حلو قوى بس الكيكة طعما طرى قوى زى ما تكون مسقيه بالكراميل هى كده صح و لا انا زودت الكراميل

Mony said...

maro

:))

تسلم ايدك
طالما طريت منك يبقى فعلا زودتى الكراميل
:))

انا اخر مرة عملتها طلعت ناشفة شوية علشان الكراميل كان قليل

Mony said...

maro

:))

تسلم ايدك
طالما طريت منك يبقى فعلا زودتى الكراميل
:))

انا اخر مرة عملتها طلعت ناشفة شوية علشان الكراميل كان قليل