السلام عليكم و رحمة الله و بركاته
عاملين انهردة الحلو
**تشييييز كييييك بجيلي الفراولة**
طبعا ممكن بنفس الطريقة نحط التوبنج أي حاجة احنا عايزينها
هقولكم ازاي في الاخر
أهمممممم حاجة في التشيز كيك الصينية تكون بقاعدة متحركة
علشان تعرفي تغرفيها و تقدميها من غير ماتبوظ منك
علشان تعرفي تغرفيها و تقدميها من غير ماتبوظ منك
المهم المقادير
لقاعدة البسكوت:
1 و نص باكيت بسكويت
(انا جيبت داناش الاخضر علشان ريحته و طعمه حلوين)
(انا جيبت داناش الاخضر علشان ريحته و طعمه حلوين)
نص كوب زبدة
نطحن البسكوت مع الزبدة
و نرصها طبقة في قعر الصينية و نضغط عليها خالص و نساويها تماما بإيدينا
و نرصها طبقة في قعر الصينية و نضغط عليها خالص و نساويها تماما بإيدينا
و نحضر خلطة الجبنة اللي بتبقى في النص:
4 مثلثات جبن لافاشكيري
(و ممكن كيري أو أي جبن مطبوخ تاني طري)
ملعقة كبيرة دقيق
(اللي بناكل بيها مش الغرف)
2 كوب الا ربع لبن
(يعني كوب و ثلاث أرباع)
نصف كوب سكر
بيضة
كيس فانيليا
(طبعا المقادير ممكن تتضاعف زي مانتوا عايزين)
على حسب الحجم اللي انتوا عايزينه
و كلللل ده يتضرب مع بعضه في الخلاط و يتحط على طبقة البسكويت
و يتحط الكلام ده في فرن متوسط الحرارة لمدة نص ساعة
و بعد ما يخرج نسيبه يبرد
على ما الصينية تخرج من الفرن نجهز الجيلي
مكتوب على باكيت الجيلي يذوب في 2 كوب ماء مغلي
**نصيحة**
علشان الجيلي يكون متماسك و لون أغمق واضح
تذوبي الجيلي في كوب و نصف ماء فقط
و تحليه ب3 ملاعق صغيرين سكر
و لما الجيلي يبرد و الصينية كمان تبرد
نحط الجيلي على خليط الجبنة
و ندخلهم الفريزر علشان يمسك بسرعة
و قبل ما يتجمد نحطه في الثلاجة عادي بس تحت الفريزر مباشرة
في حركة خدعة بعملها علشان الفاكهة تكون جوة الجيلي و ماتذبلش أو لونها يتغير
اشيل شوية جيلي على جنب ما أحطهوش كله على الجبنة و احطه في الثلاجة علشان يسقع بس مش يتجمد
و احط نصف مقدار الجيلي على خليط الجبنة و ادخله الفريز
و قرب ما يتجمد أرص عليه الفاكهة
(تكون جامدة مش مستوية)
و اغرزها في الجيلي اللي بدأ يتجمد
و احط عليه باقي الجيلي السائل الساقع و احطهم تاني في الفريزر
اول ما الطبقة التانية تبدأ تتجمد انزله في الثلاجة عادي
و يطلع شكلها زي الصورة ديه
انا عملت جيلي فراولة
فزينته بالفراولة و ممكن ازينه بالموز و ممكن اعمل تشكيلة حلوة باللون الاحمر (الفراولة) و الاصفر (الموز) و الاخضر (الكيوي)
اهم حاجة لو هتزينيه بفاكهة تمسحي وش الفاكهة بالفرشاة بجيلي من نفس لون الفاكهة و ممكن جيلي شفاف
ممكن طبعا ماتحطيش فواكه و تعملي وردة صغننة بالكريم شانتيه على كل مثلث تقدميه
و ممكن بلااااش جيلي خالص و تحطي بداله مربى أي نوع بتحبيه
و ممكن تحطي التوبنج كراميل
ممكن شوكولاتة
زيييي مانتي عايزة
على حسب المتاح عندك
علشان تعملي كراميل زي اللي جوة شوكولاتة مندولين و لا جلاكسي و الحاجات اللي تفتح النفس ديه
في طريقة تخليه نفس الشكل و اللون و القوام
تجيبي علبة لبن مكثف
و تحطيها في حلة فيها ماية بتغلي
و سيبيها لمدة ساعة و نص
و بعد كده افتحيها و اتفرجي و دوقي و ذوووبي
ممكن طبعا تحطي مربي توت و لا فراولة و لا مشمش زي ماتحبوا
المهم انتوا بتحبوا ايه؟؟
:)
قولولي رأيكم بأه
و اخبارها ايييه معاكم
مستنية رأيكم
هحطلكم كام فكرة للتقديم
عيشوا يالا
:)
10 comments :
هية دى بقى التشيز كيك ...طب ماهى سهلة اهيه..وانا كنت فاكراها صعبه .......كده بقى فى امل اعملها ان شاء اللة
مممممممممم.. تحفة بجد
بموت فيها.. ودايما بتبوظ مني :(
مش عارفة فكراني ولا لا
بس المدونة بتاعتك وحشتني جدا :)
يارب تكوني بخير
ayat
هي التشيز كيك لها طرق كتييير
و ديه واحدة منهم
:)
اي خدعة
:)
قوليلي رأيك بأه يالا
فتافيت
طبعا طبعا فكراكي
:)
بالأمارة ليكي عندنا عزومة حمام
;)
صح كده
:)
لااااا تقلقي جربيها و علي المرة ديه
.
.
معلش كنت انشغلت شوية
و الحمد لله فضيت و بدأنا نجرب حاجات جديدة
في انتظار رأيك يالا بأه
:)
تسلم الأيادي وحمد الله على السلامة :)
Food Lover
الله يسلمك
:)
بعد اذنك انا ضيفتك عندي في المدونات المطبخية الشقيقة
:)
و أحب أعرف رأيك
:)
تسلم ايدك انا بأعمل التشيز كيك البارد و بتتطلع معايا تحفه بس بأعمل البارده و جوزى و ولادى بيحبوها جدا
Anonymous
الله يسلمك يافندم
:))
طيب ماتشاركنا بيها و نجربها كلنا
و ليكي الثواب
:))
في انتظارك
حلووووو بعملها اهو واقولك دودو
دودو
بألف هنا
:)
Post a Comment