Saturday, January 24, 2009

Posted by Mony on 2:24 AM 7 comments

السلام عليكم و رحمة الله و بركاته
.
.
المفروض المرة ديه الدور علي صنف حلو
.
قعدت افكر
ايه اللي عملته اخر مرة و حاز علي اعجاب الجميع
افكر
افكر
.
.
اصلي بقالي فترة مش موجودة في البيت علشان اعمل حلويات
.
.
و افتكرت الحمد لله
.
.
كنت عملت كريب حلو
(مش حادق يعني)
.
و الحمد لله عجب تامر و اخواته
 عملت منه كمية و شلته في الفريزر
و لما حد يزورنا اطلع من الفريزر و اسيبه يبرد شوي
و أحشيه من الحشوات المتاحة عندي
.
.
مقاديره بسيطة اوي
.
كوب لبن
كوب دقيق مليااان
رشة ملح
ملعقة صغيرة سكر
بيضه كبيرة 
فانيليا
.
و نحطهم كلهم في الخلاط و نضرب
علشان مايبقاش فيه كلاكيع
.
(بالنسبة للحادق بنحط ملح و فلفل بدل الفانيليا و طبعا بنشيل السكر)
.
لو عايزة قرص الكريب يكون بالشيكولاته
يبقي ننقص من كوب الدقيق مقدار ملعقتين كبار و نستبدلهم بملعقتين كاكاو خام
.
.
و المقادير ديه تعمل تقريبا من 6 ل7 اقراص بحجم وسط
.
بس انا في الكريب الحلو بحب اعمل اقراص صغيرة
شكلها بيكون اشيك
فكده هيطلع عدد اكتر
.
.
طبعا بنستخدم طاسة تيفال او اي طاسة مايلزقش فيها الاكل
.
و بعدين ندهنها زيت او سمن
 (علي حسب الرغبة)
.
و نحط بالكبشة في نصف الطاسة
و نوزع في باقي اطراف الطاسة بأننا نميل الطاسة في الاتجاهات الفاضية علشان تتملي
.
لما بنحط الكبشة بالخليط نراعي ان النار تكون هادية علشان نلحق نوزع الخليط في انحاء الطاسة بالتساوي
و بعدين نعلي
و نتابع
لما بيدأ القرص في الاحمرار من تحت
(طبعا هنعرف انه احمر بأننا نستخدم ملعقة او سكين و نرفع بيها طرف القرص شوي )
هو مش لازم يكون محمر اوي
يفضل يكون لونه بصلي كده
.
.
و لما  يحمر من تحت نقلبه
بحيث الناحية المحمرة تكون من فوق
.
و نعمل نفس الفكرة
و لما يتلون من تحت
كده يكون خلاص استوي من الجانبين
نحطه في طبق مسطح
بس مانحطهمش فوق بعض و هو سخن علشان مايلزقش
.
.
و هكذا لحد ما تخلص كمية الخليط بتاعتنا
.
الحشو بأه ممكن احنا نبتكره
و ممكن نحشي فاواكه و عليها كريم شانتيه او كريم باتسري
.
.
هقول علي كام حشوة كده عجبتني
.
احلي حشوة عجبتني
.
حشوة البلح بالقرفة
.
نحط ملعقة كبيرة زبدة و لما تسخن نحط عليها تقريبا كوب بلح اسود مقشر و منزوع منه النوي
و عليهم 2 ل3 ملاعق سكر
(حسب الرغبة)
 و نصف ملعقة صغيرة قرفة
و 3 ل4 ملاعق مكسرات مجروشة
(اختياري)
.
و نقلب مع بعض كويس
لحد ما يتكون لهم صوص
.
و يستخدم في الحشو
.
ممكن نحشي بالتفاح و الكمثري كمان
.
نفس طريقة البلح بس التفاح يكون اخضر اوي
علشان لما بيطري بيكون طعمه وحش
و القرفة برضه معاه بتدي طعم جميل
بس نراعي اننا نزود السكر علشان هنا التفاح اخضر مش مسكر زي البلح
.
.
ممكن الخوخ المعلب
.
بنفس الطريقة برضه
بس هنا يستحسن من غير قرفة
ولا سكر خاااالص لانه اساسا مسكر
.
و نستخدم الشربات اللي معاه في العلبة كصوص
نحطه علي النار و نستني لما يغلي
و نكون مجهزين ملعقة كبيرة دقيق و نذوبها في شوية ماية
و لما الشربات يغلي ننزل عليه بخليط الدقيق و نقلب لحد قوامه ما يوصل للقوام المطلوب
.
طبعا ملعقة الدقيق ديه قصاد كوب شربات
.
و نراعي اننا لوزودنا كمية الشربات نزود كمية الدقيق
.
نفس طريقة الخوخ ديه نعملها مع اي فاكهه معلبة تانية
زي الاناناس مثلا
.
ممكن نجيب برطمان شيكولاته من السوبر ماركت
و نحشي بيه الكريب
و نرش فوقها بندق مجروش
(طبعا انسب مكسرات للشوكولاته هي البندق)
.
.
.
طبعا الكريب ممكن يتاكل كده وخلاص
.
ممكن بأه نعمله انواع صوص جميله
.
مثلا الصوص الابيض
"صوص الكريم تشيز"
.
ربع كيلو كريم تشيز
(بتكون في علبة زي ديه)
(بس ديه علبة قشطة احنا عايزين كريم تشيز)
نصف كوب كبير لبن
نصف كوب كبير سكر بودرة
ملعقتين كبار زبدة
فانيليا
.
و نحطهم كلهم في الخلاط
وبكده يكون جاهز
.
.
"صوص الكراميل"
بالبندق
.
كوب كبير و نصف سكر
نصف كوب كبير كريمة لباني
(فريش كريم بتاع جهينة)
نصف كوب كبير بندق مجروش
.
.
نحط السكر في طاسة علي النار لحد ما يسيح و نقلب لحد ما يوصل للبني الغامق
و بعدين ننزل عليه بالفريش كريم
و نقلب دقيقة و نحط البندق
و نقلب علي النار لحد التجانس التام و يكون قوامه زي الصوص
من 4 ل5 دقائق تقريبا
.
.
"صوص الشوكولاتة"
.
نصف كيلو لبن
ملعقة كبيرة مليااانه كاكاو
نصف كوب كبير سكر
(100 جم)
ملعقة كبيييرة زبدة لينة
150 جرام شيكولاتة دارك قطع
.
.
نحط اللبن و عليه السكر علي النار
و لما يغلي اللبن
نهدي النار شوي
و نحط قطع الشيكولاته الدارك و الكاكاو
و نفضل نقلب لحد ما الشيكولاته تسيح خااالص
و بعدين في الاخر نحط ملعقة الزبدة الكبيرة علشان التلميع
.
.
ممكن نعمل بعصير الفاكهة صوص
اي فاكهة
كوب من عصير الفاكة ديه
و عليها سكر علي حسب الذوق
و نحطه علي النار و لما يغلي العصير ننزل عليه بخليط الدقيق اللي قلنا عليه قبل كده
.

ممكن مانحشيش الكريب حاجة
و نعمله كريب سوزيت
.
كوب سكر كبيرالا ربع
و ملعقتين كبار زبدة
نصف كوب عصير برتقال
.
نحط السكر في طاسة و نسيبه لحد ما يسيح و لما يبدأ يتلون نقلب لحد ما يصل للون البني
و بعدين نحط عليه الزبدة
و عصير البرتقال
.
و نقلب شوي لغاية ما يتجانسوا
.
و نجيب اقراص الكريب و نطبقها علي شكل مثلث
و نقلبها تقليبتين في الصوص اللي عملناه
.
و بيتقدم كده من غير اي اضافات
ممكن تزينيه بفستق مفروم
و بشر برتقال
.
و ممكن نستخدم الخليط ده كصوص برتقال عادي
.
.
.
.
هنا بأه انا حاطة اشكل تانية لتقديم الكريب علشان تلهمكوا
.
.
.

جربوه و ادعولي بأه
.
بالهنا و الشفا
Categories:

7 comments:

Anonymous said...

السلام عليكم شكرااااا لك اخت سلاموني على هده ااااروع اتاطباق جد رررروعة و شهية جزاك الله خيراا فيما تقدمينه لن شكرا

Alaa Nour El Deen said...

شكرااااااااا
انا عملته و عجبهم فى البيت جدا
جزاك الله خير

Mony said...

Anonymous

و عليكم السلاااام و رحمة الله و بركاته


عفوااااا يا فندم و جزانا و اياكم

في انتظار رأيكم في تجربة جديدة
:)

Mony said...

Alaa Nour El Deen

عفوا عفوا يا جميل
جزانا و اياكم و اصلح ما بين أيديكم دائما

عملتي ايه تاني من هنا بأه
فرحيني
:)

Anonymous said...

سلام الله عليكم مدام سلامونى بجد جزاك الله خيرا ع هذا الموقع اكثر من راااااااااااااااااااااااااااااااااائع جعله الله ف ميزان حسناتك
ممكن اعرف طريقة الكريب الحلو لانى ع ادى ف الحلويات
وايه الفرق بينه وبين الكانيلونى ؟وهل الكريب الحادق يختلف ف مكوناته عن الحلو ام الفرق ف الحشو بس؟ومابديل الكاستر الجاهز عايزة اعمله من المنزل؟اسفه جدا ع اسئلتى الكتير وكل عام وانتم دوما بالف خير وصحه وعافيه
مامة عمورة

Mony said...

مامة عمورة

أهلا أهلا وسهلا
لا طبعا براحتك يا فندم
:)))
الكانيلوني فعلا شبه الكريب كتير
و انا بعملهم بنفس الطريقة الفرق اني بحط في الحلو سكر في العجينة و الحدق بحط ملح و فلفل
و الكاستر الجاهز اوفر علشان مش بحب افصل البيض
وديه طريقة الكاستر من شيف اسامة

لعمل الكاسترد: يُخفق 3 صفار بيض مع 3 ملعقة كبيرة من النشا و 2/1 1 كوب سكر ثم يُضاف 2/1 2 كوب من الحليب المغلي، تُخلط المكونات جيداً حتى تتداخل، يُترك بالبراد حتى يتماسك.

و طريقة الكريب موجودة في البوست هنا
دوسي على كلمة كريب حلو هتلاقي كل حاجة مكتوبة
طريقة و حشوات و كل حاجة
:))


ياريت اكون عرفت افيدك
وتحت امرك في اي حاجة
:)

Wessam Adel said...

كل سنة وحضرتك طيبة وبخير واشكرك جدا ع ردك الطيب عليا واعتذر انى لسه بارد اﻻن لظروف نقل ومدارس وعمل الخخخ
المهم انى بجد عايزة اشكرك من كل قلبى ع وصفاتك البسيطة ف الشرح الغنية ف المذاق والنكهه ربنا يديكى الصحه والعافيه يارب
مامة عمورة
:)وتمتعينا باكلاتك