Enjoy cooking
Browse through over
650,000 tasty recipes.
Home » » كوردون بلو

كوردون بلو

Written By Mony on Wednesday, November 12, 2008 | 12:29 AM


كردون بلو علي طريقتي

(Cordon bleu)

.


.

المفروض الكوردون بلو بيكون محشي جبن شيدر و اي نوع لحم مدخن

.

انا بأه مابحبش اكل اللحم باللحم

زي الرسول صلي الله عليه وسلم

.

او سيدنا علي

.

مش فاكرة مين اللي قال لا آكل اللحم باللحم

.

انا دورت علي المقولة ديه في جوجل علشان اجيب اثبات بس موصلتش لحاجة

.

المهم انا مش بحب اكل اللحم باللحم

.

فعلشان كده عدلت في الكوردون بلو

.

"المقادير"

.

فراخ بانيه

(صدور دجاج مخليه)

بس و احنا بنشتريها نقول للراجل رققها علشان هنحشيها

.

نتبل الفراخ البانيه بماء البصل و الليمون و الملح و الفلفل

.

جبن رومي او شيدر مبشور

.

ملعقة قشطة علب

(او حسب الكمية بحيث تكون متجانسة مع الخليط)

اللي هي زي ديه

.


.

.

فلفل اخضر مقطع مكعبات صغيرة

.

دقيق ابيض

.

بيض مضروب وعليه ملح و فلفل

.

دقيق ذرة

(علشان هتاخد وقت و البقسماط بيتحرق بسرعة انما ده بيستحمل)

.

زيت للتحمير

.

.

بس خلاص

.

.

"الطريقة بأه"

.

نخلط الحشو في طبق

(اللي هو الجبن المبشور +الفلفل الاخضر المقطع + القشطة)

.

.

نجيب قطعة الفراخ

ونفردها

و تحشيها من الحشو اللي في الطبق

(ملعقة كبيرة مثلا)

.

بنحشي بالطول مش بالعرض

.

يعني بالتشبيه بكف اليد بنبدأ من الصوابع لاعلي

(مفهوم ولا ايه؟؟)

.

و نحطها مباشرة في دقيق

بحيث الدقيق يغطيها تماما

(سامعة واحدة بتقول كده مش هتفك؟؟)

(ماهو الدقيق لما يغطيها تماما مش ممكن تفك ابدا)

(عموما لو خايفة تفك اقفليها بخلة السنان بالطول علشان ماتكونش بارزة)

.

.

و بعدين في البيض

.

و بعدين دقيق الذرة

.

و نرصهم في طبق

.

و لما نخلص الكمية اللي عندنا نحطهم في التلاجة نصف ساعة مثلا علشان يمسك نفسه

.

و بعدين نحضر طاسة فيها زيت غزير و نحط الفراخ فيها و نقلب كل فترة

علشان تتحمر من كل الجوانب

.

و بعدين نشيلها علي ورق ماص

.

و تقدم ساخنة

.

.

ياااا سلاااام

.

انا متخيلاني باكلها دلؤتي و الجبن الرومي او الشيدر بتمط معاي

.

ييممممميييي

.

.

ممكن ناكل معاها مكرونة

.

او ممكن نعملها جنب محشي

.

يالا بالهنا و الشفا
SHARE

About Mony

7 comments :

don don said...

وصفة جميلة جدا جدااااا
انا باذن الله هاخلص امتحانات واجربها
وجزاكى الله خيراااااااااا

Mony said...

don don

ماشي يا دون دون
ده الوعد التاني


يالا خلصي بأه علشان انا عايزة ادوق

:):)

Anonymous said...

وصفة جميلة بس اضيف ممكن تعملى الحشو سبانخ مع الجبن بيطلع لذيذ خالص ....

Mony said...

Anonymous

فعلا عندك حق
انا جربت حشوة السبانخ مع السمبوسة و كانت تحححفة
ممكن اجربها مع الكوردون بلو

nona said...

انا جربتها اهو طلعت لذيذه
الحمد لله
تسلمى لنا يا مونى

نبض الكلمات said...

جزاك الله خيرا يا قمر على وصفاتِك الحلوة

Mony said...

نبض الكلمات

ربنا يكرمك و يجازيكي خير على الكلمات الحلوة ديه
:)