Enjoy cooking
Browse through over
650,000 tasty recipes.
Home » » فراخ كنتاكي

فراخ كنتاكي

Written By Mony on Monday, November 3, 2008 | 8:33 PM

انهارده هنعمل مع بعض فراخ كنتاكي
.
الطريقة ديه عرفتها من شيف يسري في برنامج من كل بلد اكلة
.
و لما عملتها لقيت انها زي فراخ كنتاكي بالضبط بس من غير زفارة
.
اصل لما باكل فراخ من كنتاكي بحس ان فيها زفارة كأني باكل سمك
.
بس الطريقة ديه انا مجرباها
.
و عجبت تامر اوييييي
.
و الاهم انها تناسب الزوجة العاملة لانها مش بتاخد وقت خالص لا في التتبيل و لا في التحمير
.
.
و ده شكلها لما اتعملت في البرنامج
.
.
"المقادير"
.
*التتبيلة*
.
ماء بصلة كبيرة
.
اربع فصوص ثوم مهروس ناعم جدا
.
ملعقة كبيرة كسبرة ناشفة مطحونة ناعمة
.
2 ملعقة كبيرة عصير ليمون
(عصير لمونتين)
.
2 ملعقة كبيرة خل
.
للي بيحب الشطة ممكن يضيف ملعقة او ملعقتين شطة
(حسب الرغبة)
.
2 ملعقة كبيرة سماق
(لو مافيش مش مشكلة)
.
*******
.
فرخة مقطعة 10 قطع بالعظم
(يعني الاجنحة لوحدها و الصدر 4 و الورك 4)
.
كوب دقيق ابيض
.
2 كوب دقيق اصفر
(لو مش عندك سوبر ماركت كبير يبقي من عند العلاف)
.
3 بيضات
.
ملح و فلفل
.
زيت غزير للقلي
.
.
"الطريقة"
.
نجيب فرخة و نشيل الجلد منهاو نقطعها 10 قطع
و بعدين ننغزها بالسكينة
(علشان تشرب الخلطة)
.
و نحط الفراخ في التبيلة و نقلبها كويس فيها علشان نضمن ان التتبيلة وصلت كل مكان في الفرخة
.
و تتبل مده لا تقل عن 16 ساعة
(يعني ممكن نتبلها من بليل و تتاكل تاني يوم علي الغداء)
.
.
.
و تاني يوم بأه عند التحضير للاكل
.
نحط كوب الدقيق الابيض في طبق و البيض المضروب بالملح و الفلفل في طبق و كوبين الدقيق الاصفر في طبق
.
و نبدأ بأه
.
نحط قطعة الفراخ في الدقيق الابيض
و بعدين في البيض
و بعدين في الدقيق الاصفر
.
و هكذا هتي تنتهي الكمية
.
و بعدين نحطهم في حلة فيها زيت غزير سخن
و نسيبها علي نار هادية مده مش اقل من 10 دقائق
و تلاقي شكله و لونة زي الصورة ديه بالضبط
.
.
.
و بعدين تطلعيه علي ورق ماص للزيت
.
و ممكن تعملي معاه سلطة كول سلو و بطاطس محمرة و تبقي كده اكلة تمام
.
ممكن مكرونة للي هيكون عنده نفس تاني ياكل
.
اصل الفراخ كده لوحدها تشبع
.
و بالهنا و الشفا
SHARE

About Mony

8 comments :

Anonymous said...

طب هي الفراخ يتتحمر نية كدة و بتستوي كويس في عشر دقايق بس؟؟؟؟ و لا بنحطها من الاول مسلوقة ؟

Mony said...

Sara

ايوة يا جميل بتستوي

مانت حطاها في زيت علي درجة الغليان
يعني زيت غزير سخن جدا

و الفراخ متبلة من بالليل في التتبيلة اللي فيها خل
يبقي ناقصنا ايه تاني


مستنية رأيك

callypso said...

طب فيه سؤال كدة
هو ايه الدقيق الاصفر ؟

Mony said...

callypso

أهلا بيكي
:)

الدقيق الاصفر هو دقيق الذرة الصفراء
خدي بالك في دقيق ذرة ابيض كمان

بس اللي احنا عايزينه هو دقيق الذرة الصفراء

Anonymous said...

بصراحة تحفة وانشاء الله اجربها بكرة

Mony said...

Anonymous
في انتظار النتائج

:)

خلطبيطه بالصلصه said...

maro
السلام عليكم كنت بس عايزه اعرف الدقيق الاصفر ده لازم منه و كمان ايه السماق؟؟؟؟؟؟؟؟؟؟؟

Mony said...

maro

أهلا مارو:)

أيون ياجميل مهم دقيق الذرة الصفراء
و خدي بالك علشان في دقيق تاني اسمه دقيق الاذرة البيضاء

اللي بنستخدمه هو دقيق الذرة الصفراء
و السٌمًاق أو السٌمًاء
ده نوع من التوابل هتلاقيه عند اي عطار مستخرج من الرمان

أي خدمة في أي وقت
:))