السلام عليكم و رحمة الله و بركاته
رجعالكم انهردة بأكلة ممكن تكون معروفة بس أنا عن نفسي
أول مرة أعملها
أول مرة أعملها
مكرونة عليها فراخ بالصوص الأبيض و المشروم
أكلة خفيفة
سريعة
صيفي
و طعمها جميل
سريعة
صيفي
و طعمها جميل
بتسلقي المكرونة عااادي جدا و تركنيها
نكون محضرين صدور الدجاج و متبلينها بالبصل المبشور و الملح و الفلفل
و نقطع صدور الدجاج شرائح
نجيب طاسة غويطة شوية
و نحط فها زيت يادوب يغطي القعر
و بعد ما الزيت يسخن نحط الفراخ المقطعة المتبلة و نقلب و احنا و اقفين لحد ما تستوي الفراخ
و نحط عليهم كمية المشروم اللي عايزينها و نفضل نقلب لحد ما الماية تروح منها خالص
و نحط ملعقة كبيرة دقيق و نقلب كويس بسرعة
و نحط ملعقة كبيرة دقيق و نقلب كويس بسرعة
و ماتخافوش مش هيكلكع و لا حاجة لان مافيش ماية موجودة في الطاسة
نقلب حاجة بسيطة لحد ما الدقيق ياخد لون البيج
و بعدين نحط كوب لبن و نقلب بسرعة
هيمسك بسرعة
هيمسك بسرعة
نقفل و نحط كوباية ماية و نقلب و النار مقفولة
بس كده
الصوص جاهز يا فندم
ممكن نحط رشة فلفل اسود مطحون و خلاص
و نغرف المكرونة و نحط عليها الصوص من فوق
ممكن كنوع من الديكور نحط رشة كسبرة خضرا مفرومة
أو ريحان أخضر مفروم
ممكن طبعا نحط الصوص بالفراخ على المكرونة و نقلبها و نقدمها كده
بس لما يكون الصوص بالفراخ من فوق بيكون الشكل أشيك
المهم أنتوا بتحبوا ايه
و بألف هنا و شفا
ماتنسوش رأيكم في الكومنتات
مهم جدا رأيكم
مهم جدا رأيكم
اشوفكم على خييير المرة الجاية مع التشيز كيك بالفراولة
4 comments :
شكرا جدا على الوصفة الجميلة و فى انتظار ال
cheese cake
Alaa Nour El Deen
تم يا فندم
و في انتظار رأيك على الاتنين
:)
بالهنا و الشفا مقدما
كمية الفراخ و المشروم قد ايه تقريبا؟
Anonymous
المية على حب عدد اللي هياكل
:))
المهم الفراخ و المشروم يكونوا متجانسين
مافيش حاجة مغطية على حاجة
و كمانعلى حسب انتوا بتحبوا الفراخ أكتر و لا المشروم
Post a Comment