Enjoy cooking
Browse through over
650,000 tasty recipes.
Home » » طريقة مامتي في عمل القلب

طريقة مامتي في عمل القلب

Written By Mony on Sunday, August 2, 2009 | 3:28 AM

القلب ده مش ممكن اكله الا من ايد مامتي حبيبتي



كل ما ادوقه عند حد الاقي فيه ريحة زفارة مش عارف ليه



لسة ماما عاملاهولي مخصوص يوم الجمعة اللي فاتت لما كنا عندها



و الطعم لسة مأثر فيا





الطريقة سهلة جداااا لدرجة انكم مش هتصدقوا



المقادير



قلب و يقطع مكعبات كبيرة

(بتلو بأه و لا أي حاجة)

هتفرق بس في مدة التسوية



بصلة متوسطة

مقطعة مكعبات صغيرة اوي



طماطم متوسطة

مقطعة مكعبات



ملح و فلفل





ندخل علي الطريقة بأه



نحط القلب في حلة و نقطع عليه البصل المكعبات و نحط الملح و الفلفل و نقطع عليهم الطماطم



و نقلب كويس بحيث التتبيلة ديه تدخل في كل حتة في القلب



و نحط عليه ملعقة سمن بلدي كبيرة و نحطه علي النار

و نغطيه

و كل فترة نقلب



بعد ثلث ساعة مثلا هنلاقي القلب استوي و التتبيلة ديه عملت صوص تححححححفة

اغرفيه في طبق بايركس علشان الجمال ده كله يبان





و بالهناء و الشفاء



SHARE

About Mony

10 comments :

نكهة مغربية said...

وااااوو و الله سهلة جدا و الاكيد تحفة
الله يخليلك الماما

موناليزا said...

جميلة بجد وسهلة جدا كمان
---
وحشتينى ياقمر اخبارك ايه؟

دعاء said...

شكلها لذيذة تسلم ايد مامتك

Mony said...

نكهة مغربية

ربنا يكرمك يا جميل
هي فعلا سهلة اوي
و مش بتاخد وقت خالص

Mony said...

موناليزا

فعلا سهلة..

و لو اتعملت صنف في عزومة بيكون صنف يشرف كمان

و انت كمان و الله وحشاني
مانتي لو قرأتي بوست الويكة كنتي هتعرفي اخباري:)
;)

Mony said...

دعاء

فعلا
يلا جربيه و قوليلي بأه علي الاخبار

كلمات من نور said...

الله عالمدونة دي ..حسستني بالجوع..ممكن أضحكك على موضوع القلب داه؟زمان زمان قوي يعني أيام ما اتجوزت من حوالي 22 سنة ...زوجي جاب قلب ومخ وكبدة وحطيتهم في الفريزر و كنت لسه يادوب سنة أولى زواج ومعايا أبني الكبير بيبي مش بيخليني أنام فكنت أطبخ يادوب قبل موعد وصول زوجي بساعه ودخلت المطبخ ورحت عالقلب المجمد قطعت شرايح شرايح و حطيته عالنار بالتتبيلة والزيت وووو ولقيته شبه القرص قلت انا مالي
هو اللي عايز ياكل قلب
أول ما دخل حطيت القلب في الطبق و أنا أساسا باقول يع أصلي مش من هواة أكل الخروف بمشتقاته المهم الراجل استغرب قالي إيه داه؟ قلتله القلب يا حبيبي ..قالي القلب؟ داه المخ يا أمي ..قلتله بجد؟ داه المخ؟ قالي مش عارفه لون القلب من المخ؟ لون القلب أحمر زي الكبدة مش أبيض..قلتله و أنا إيه عرفني بقى مش يمكن كان خروف قلبه أبيض؟ أنا قلت الكلمة ولقيت الراجل وقع عالأرض من الضحك ..وعنها ورحت النادي يوم الجمعة لقيت موضوع الخروف أبو قلب أبيض حديث المدينة..فضحني الجدع..تحياتي

Mony said...

كلمات من نور


اسفة جدا جدا جداااااااااااا على التأخير
و الله لسة شايفة التعلييق ده بالصدفة و الله
و مووووتني من الضحك على القلب الأبيض


انا اسفة جدا و الله على التأخير و الله من غير قصد
بس ماجاليش اي حاجة على الميل اتنبهني من يومها:)

بس ده معناه انك بنت حلال و اديني رديت
(و انا في نص هدومي من الكسوف طبعا)

عائشة said...

جامد اخر حاجة

ربنا يخليلك ماما يارب

انا بعملها حلوة اوى بس زى الكبدة بالتوم لكن بجد الطريقة دى جديدة عليا حجربها باذن الله

وعايزين تعمليلنا قسم اسمه قسم التطبيقات وكل واحدة اتعلمت حاجة منك وطبقتها تبعتهالك وتنزليها فى البلوج

Mony said...

عائشة

ربنا يخليكي يا ايوشة
:)

لا تقلقي طبقي انتي بس حاجة و صوريها و انا هحطهالك هنا و على الصفحة في الفيس بوك باسمك
:)
في انتظارك