Enjoy cooking
Browse through over
650,000 tasty recipes.
Home » » الكيكة الرخامية

الكيكة الرخامية

Written By Mony on Wednesday, February 11, 2009 | 1:56 PM

المرة ديه الدور علي صنف حلو
كنت عملت انهاردة كيكة رخامية فقلت اما اشارككم بيها
marble cake
هيه اسمها كيكة رخامية علشان شكلها بيكون عامل زي نقشة الرخام

نبدأ بأه في المقادير
3\4 كوب زبدة
كوب و نصف سكر بودرة
5 بيضات كبيرة
2 كيس فانيليا
(ممكن الاكتفاء بكيس واحد بس انا مابحبش احس ان فيه بيض خااااالص)
كوبين و نصف دقيق منخول
كيس بيكنج باودر
كوب لبن
ملعقتين كبار كاكاو
رشة بسييييطة ملح


ندخل بأه علي الطريقة
بالمضرب الكهربائي او بالكيتشن ماشين

نضرب الزبدة لحد ما تصل لقوام كريمي
و بعدين نحط السكر البودرة كله

و نضرب تاني لحد ما يرجعلنا القوام الكريمي تاني
و نحط البيض بيضة ورا بيضة

و مع اخر بيضة نحط الفانيليا
و بعدين نحط الدقيق علي البيكنج باودر و رشة الملح علي بعض و نحطهم علي خليط البيض بتاعنا
و بعد خليط الدقيق ما يختفي تماما

نحط كوب اللبن
و بعدين نقسم خليط العجين ثلث و ثلثين
الثلث هنحط عليه الكاكاو و نقلب كويس جدا لحد ما يختفي و يتجانس تماما
و الثلثين هنخليه زي ما هو
نجيب صينية الكيك و نبطنها بالزبدة و الدقيق

و بعدين نفرش القعر بتاع الصينية بطبقة من خليط الفانيليا

و فوقيها نحط خط دائري من خليط الكاكاو

و عليه فانيليا تاني

و هكذا لحد ما ينتهي الخليط

لازم نراعي ان القعر فانيليا و الوش برضه فانيليا علشان نعرف نشوف الكيكة
الكلام ده لو هنعمل الكيكة في صينية مفتوحة من الوسط

طيب لو هنهمل في صينة عادية
يبقي الخليط هيتقسم نصفين
(مش ثلث و ثلثين)

و نص هيكون فانيليا و النصف الثاني نحط عليه الكاكاو
و نبطن الصينية عادي

وبعدين بكبشة صغيرة نحط في وسط الصينية من خليط الفانيليا

و فوقيهم نحط كبشة من الكاكاو برضه في النصف

و نفضل نحط كبشة فانيليا و اخري كاكاو في نصف الصينية بالضبط و فوق بعضه لغاية ما يخلص العجين كله
و هتطلع نتيجتها بالشكل ده

و ممكن طبعا نعملها في صينية الكب كيك علشان لو هنديها للاولاد في المدرسة
و ده شكلها لو هنحطها في قالب الكيك المستطيل
و كده خلاص

نحطها في فرن متوسط الحرارة

في الرف اللي تحت
مدة من 30 ل35 دقيقة
(علي حسب الفرن بتاعك)


و لما تخرج نسيب وجهها يبرد 5 دقائق

و بعدين نقلبها علي منخل سلك علشان تتهوى كلها





و بالهنا و الشفا
SHARE

About Mony

7 comments :

حكاية قلب said...

انا عاوزة اتواصل معاكى بالشات كلامى مش بيظهر ليه عااااااااااااا

Mony said...

بصي يا جميل

انا عاملة موديريشن للتعليقات
علشان كده كلامك مش بيظهر الا لما اقرأه الاول و اقول اوك


ممكن تكتبيلي الميل بتاعك في تعليق و انامش هظهره و اضيفك عندي و نتواصل براحتنا

om joud said...

ما شاء الله شكلها تحفة
ادعيلي عشان انا بقالي 7 سنين بتعلم ولسه في مرحلة الرمي
ههههههههههه
وياريت نتواصل مع بعض
بس ممكن تشرحيلي تاني ازاي افرد العجينة دي في الصينية
؟؟

Mony said...

om joud

انا اسفة جداً جداً على تأخير ظهور الكومنت

انا افتكرت اني ظهرته و الله من ساعة ما شفته
احكمي علي باللي يرضيكي علشان اعوضك عن كل التأخير ده
و الله مش قصدي خااالص



اما عن مرحلة الرمي ديه فيه لا تنتهي أبداً

انما بتخف حاجة حاجة
يعني بدل ما ترمي كل يوم ممكن نبدأ بيوم و يوم
و بعد كده ممكن نرمي كل يومين

و نوصل لمرحلة الرمى كل اسبوع
و هكذا
:) :) :)


انا بعتذلك مرة تانية



و لو تحبي نتواصل مع بع عن طرق الميل
ممكن تبعتيلي اميل بتاعك في كومن تاني
و ماتخافيش مش هظهره
و ابعتلك عليه و نتواصل بعد كده على الميل او المسنجر زي ما تحبي


في انتظارك

Anonymous said...

السلام عليكم ورحمتة وبركاتة انتى عاملة اية يارب تكونى فى احسن حال انا بعتلك ايميل ى وانتى مابعتليش ايضافة ممكن افهم لية لو مش عايزة قوللى وانا هقدر ذلك ماش

Anonymous said...

الكيكة تحفة

Mony said...

Anonymous


:)
جزاك الله خيرا