السلام عليكم و رحمة الله و بركاته
عملنا ايه انهردة؟؟
عملنا كيكة بالكريم كراميل
شوفتها في منتديات كتير بطرق مختلفة
حاولت استخلص الطريقة اللي ممكن تتصدق و تكون قريبة من الحقيقة
و جربتها و طلعت ناااااجحة و لله الحمد
المقادير:
للكريم كراميل:
2 باكو كريم كراميل
ملعقة كاكاو
و يتعمل الكريم كراميل زي ماهو مكتوب في طريقة العمل بالضبط
بس هيقولك تذاب محتويات الكيس في 2 كوب لبن
هنا بأه هنختلف و ندوبها في 1 و نص كوب لبن بس
هنا بأه هنختلف و ندوبها في 1 و نص كوب لبن بس
يبقى هندوب كيسين الكراميل في 3 كوب لبن ساخن و معاهم ملعقة الكاكاو
و نحطهم على النار و قبل بدأ الغليان نطفي النار على طول
و نكون محضرين الصينية اللي هنعمل فيها
و نحط السكر المحروق في قعر الصينية
و نحط عليه الكراميل اللي عملناه
و نحطهم في الفريزير لحد ما نعمل باقي المقادير
مقادير الكيكة:
¾ كوب سكر
¼ كوب زيت ذرة
ندوبهم مع بعض لحد مايبقوا زي الكريمة
و نحط 2 بيضة و معاهم الفانيليا
و نضرب
نحط 1 و ¼ كوب دقيق + كيس و نصف بيكنج باودر+ملعقة صغيرة نشا
و نضرب
هنلاقي الخليط ثقل جدا
نحط ½ كوب لبن
و نضرب
كده عملنا الكيكة
نجيب الصينية اللي فيها الكريم كراميل يكون جمد شوية
و نحط عليه عجينة الكيكة
و نحط الصينية في حمام مائي و في الفرن
لمدة ساعة تقريبا على درجة حرارة 200
بس نكون محميين الفرن من قبلها
هي بتداخد من ساعة لساعة و ثلث حسب الفرن
ابتداءً من ساعة ممكن تلقي عليها نظرة و تحطي طرف السكينة لو طلعت نظيفة يبقى خلاص
و تطلعيها من الفرن على الفريزر عدل
بعد ساعة ولا ساعة و نص ابقي بصي عليها
و اقلبيها في طبق كبير
على فكرة ممكن تخلي الكيكة اللي بالشوكولاتة و الكريم كراميل بالفانيليا عادي
عكس ما انا عملت يعني
عكس ما انا عملت يعني
ساعتها مش هنحط في الكريم كراميل الكاكاو و هنشيل من مقدار الدقيق ملعقة و نحط مكانها ملعقة كاكاو
انا عملت الكيكه و طعمها حلو اوى بس الكيكه تقيله جدا و مكبوسه هى كدا فعلا ولا انا عملت غلط؟
ReplyDeleteGreat wishes
ReplyDeleteتسلم ايدك يا جميل
معلش على التأخير في الرد
الكيكة مش بتكون زي باقي الكيك هشة
ماتنسيش ان الكريم كاميل اللي تحتها بيأثر فيها و بيخليها ثقيلة شوية
بس مش دسمة
المهم:)
الف هنا و شفا:)
وحشتينى انت فين تسلم ايدك يا ست الكل
ReplyDeleteالفقيرة إلى الله أم البنات
ReplyDeleteربنا يكرمك يا ميل و يبارك فيكي و في بنوتاتك:)
نحن هنا
:)
maro
ReplyDeleteانا عملتها و طعمها حلو قوى بس الكيكة طعما طرى قوى زى ما تكون مسقيه بالكراميل هى كده صح و لا انا زودت الكراميل
maro
ReplyDelete:))
تسلم ايدك
طالما طريت منك يبقى فعلا زودتى الكراميل
:))
انا اخر مرة عملتها طلعت ناشفة شوية علشان الكراميل كان قليل
maro
ReplyDelete:))
تسلم ايدك
طالما طريت منك يبقى فعلا زودتى الكراميل
:))
انا اخر مرة عملتها طلعت ناشفة شوية علشان الكراميل كان قليل