الشوربة ديه تليق مع البوست اللي فات
علشان الاجنحة اللي شيلناهم من الفراخ
"المقادير"
كوب كريمة فريش
(ممكن لو مافيش)
(كوب لبن مذاب فيه ملعقة كبيرة دقيق)
2 كوب شربة فراخ
جوزة الطيب
(لو مافيش مش مشكلة)
ملح و فلفل
.
تذيب الدقيق في اللبن ونحطه علي الشربة
و نحطهم علي النار
و نضيف اللحم اللي بأجنحة الفراخ للشربة
و نقلب علي النار حتي تبدأ في الوصول للقوام المطلوب
(غليظ شوي صغيرين)
(بس اوعي تسيبيها كتير لحسن تقلب مهلبية)
و نبشر عليها جوزة الطيب
(ان وجد)
و لو محتاجة ملح و فلفل نحط حسب الحاجة
.
اتمني اني اكون اضفت لاي حد اي حاجة
بسم الله الرحمن الرحيم والصلاة والسلام على أشرف المرسلين
ReplyDeleteطبعاً اضفتي أختي لكثير منا الكثير
ربنا يجعله في ميزان حسناتك
ويبارك فيكِ وفي آل بيتك الكرام
على فكرة: أنا حاطه موقعك في المفضلة عندي :)
والسلام عليكم ورحمة الله وبركاته
طيب لو عايزة احط فيها مشروم لازم احمره بره؟
ReplyDeleteAnonymous
ReplyDeleteجزاك الله خيرا و بارك الله فيك
ده شرف كبير ليا انا ماستهلوش
ربنا يكرمك
Anonymous
ReplyDeleteانا مش عارفة الكومنت ده تبع اللي قبله ولا لاء
علشان كده رديت عليه في رد منفصل
بصي يا ستي لو عايزة تحطي ماشروم تعملي ايييه؟؟
في ملعقة صغيرة زبدة
تشوحي فيها بصلة صغيرة لحد ما تذبل بس و بعدين تحطي فيها الماشروم اللي انت ععايزاه و تقلبي لحد ما يذبل شوي و بعدين تضيفيه للشوربة عااادي
و ممكن توفري علي نفسك الليلة ديه و تحمري الماشروم مع الدقيق في اول عمل الشوربة
فى البدايه شكرا على وصفاتك الجميلة. اجيب كريمة فريش منين؟ و هل ممكن استعمل علب كريمة جهينة؟
ReplyDeleteAnonymous
ReplyDeleteلا شكر على واجب يا فندم
:))
الفريش كريم بتاعة جهينة تنفع طبعا
مكتوب عليها فريش كريم
و ممكن لو مش عايزاها دسمة ممكن تذوبي ملعقة دقيق كبيرة في كوب لبن و تقلبي كويس علشان مايبقاش في كلاكيع و تستبدليها بالكريمة
:))
و بألف هنا و شفا
خلاص هجربها باللبن و الدقيق
ReplyDeleteAnonymous
ReplyDeleteبألف هنا
:))
بس خدي بالك الدقيق مايكلكعش
(ممكن تضربيه مع اللبن في الخلاط)
و خدي بالك ان الوصفة الاساسية بالفريش كريم
:))