السلام عليكم
كيف الحال
ربنا يصلح حالنا جميعا
و حال مصر
(كلمة جديدة بقت بتتقال كتير اليومين دول)
معلش يا جماعة أنا بعتذر عن الإنقطاع تااااااني
بس المرة ديه أنا اللي قاصدة أنقطع
إحتراما لما نمر به من ظروف
و بعدين كمان في سبب خفي
إننا مابنطبخش أصلا
إحنا بنستني أبو العيال يرجع من التحرير و معاه وجبات كنتاكي الانهائية اللي بيوزعوها على المتظاهرين و عائلته
(عائلته ديه نسيوا يقولوها)
بس العملة الصعبة خلصت منهم مكانوش واخدين بالهم إن الموضوع هيطول
فمش بيوزعوا عليهم فلوس
كفايا الوجبات
فعلا فعلا نفسي اروح
و بحسد كل اللي راحوا و اللي بيروحوا
عبد الله بيحرضني إني أروح
بيقولي سيبينا عند أي حد و روحي يا ماما
ربنا يوفق كل اللي شارك و مشارك و يبارك فيهم و ينصرهم
و يجعل مصر آمنة مطمئنة زي ما وعد في كتابه
أملنا فيك كبير يارب
1 comments:
فعلا أملنا فى ربنا كبير أوى
Post a Comment