السلام عليكم و رحمة الله و بركاته
اولا
انا بعتذرلكم واحد واحد علشان الفترة الطويلة اللي سبتكم فيها ديه
و بشكر كل اللي دخل سأل علي
و بعتذر لكل حد طلب مني حاجة علي الشات بوكس و انا مارديتش عليه
لكن انا كنت بفقس الفترة اللي فاتت ديه
و فقسنا و الحمد لله
قربت اكمل 4 اسابيع اهه
و النونو مش مخلياني اعرف ليل من نهار
علشان كده كنت مش عارفة لا ادخل و لا ارد علي حد و لا ارد علي أي طلب من طلبات أي حد
معلش سامحوني
و بالنسبة لخالي
فهو الحمد لله رب العالمين
حالته مستقرة نسبيا
و بدأ يحرك ذراعه الشمال بسيط
بس لسة من تحت الصدر مش حاسس بيه خالص
ربنا يتم له شفائه في القريب العاجل بإذن الله تعالي
و قريبا بإذن الله هدخل و استعيد نشاطي من تاني
ربنا يهديلي النونة علشان تسيبني شوي في حالي
اراكم قريبا بإذن الله تعالي
Posts
27 comments:
مبروك مبروك مبروك
وحمد الله على سلامة خالك
والله يا موني لسه امبارح كنت هنا فى المدون بابص كده هل من اخبار
وقعدت اقول لجوزي عايزه اطمن عليها والولاده واسأل على خالها
الحمد لله ان ربنا طمنا عليكى
ومبروك على البيبى الجديده الجميله
سمتيها ايه
وان شاء الله خالك ربنا يشفيه ويكرمه باذن الله
الف ألف ألف مبروك
ربنا يجعلها من الدرية الصالحة و ربنا يشفي خالك عاجلا ان شاء الله
و الله وحشانا جداااا
و ألف مبروك
الف حمدا لله على سلامتك
ربنا يبارك فى النونو ويجعلها من الصالحين
ويشفى خالك ومرضى المسلمين اللهم امين
البلوجر نور من تانى
والله امبارح بليل دخلت وقلت في عقل بالي يمكن الاقيها كاتبة عن احوال خالها اي شيء .. لقيتك شيلتي الموضوع كله
ونسيت انا خالص مالص موضوع فقسك وقعدت اضرب اسداس في اخماس
الف حمد الله على سلامتك والف مبروك النونو .. ربنا يجعلها من سعداء الدارين ويرزقكما برها
طب قولي اسمها ايه؟ الله
انا جديده واول مره اعرف الموقع ده بس بجد ربنا يكرمك عليه افدينى كتير واتمنى منك المزيد فى كل جديد وربنا يخليلك البيبى وربنا يشفى خالك ويديله الصحه اختك هبه من الغردقه ولكى تحياتى
الف حمد لله علي سلامتك وسلامة البيبي ربنا يباركلك فيها يارب ويحفظهم لكم جميعا
وحمد الله علي سلامة خالك .. معلش لو التحسن بطيء بس الحمد لله ان في تحسن ..ربنا يتم شفاه علي خير ان شاء الله
ياقلبى:)
الف مبروك ياحبيبتى
وحمدالله على سلامتك
وربنا يتمم شفاء خالك على خير اللهم امين
مبروووووك يا مدام مونى على الفقس و على الكتكوت الجديد
يتربى ف عزك و عز ابوه بس خلى بالك من انفلونزا الطيور بقي
الف مبروك يا مونى
وحمد الله على سلامتك وسلامه البيبى
وربنا يتم شفاء خالك على خير ان شاء الله :)
الحمد لله على سلامتك
و على سلامة النونة
ربنا يبارك لك فيها
خدي راحتك احنا صدقيني مجربين و مقدرين
و ربنا يتمم شفاء خالك على خير
صبرني يارب
الله يبارك فيكي يا قمر
و الله يسلمك
شوفتي بأه
علشان تعرفي اني بنت حلال اهه
اول ما فكرتي فيا جيت علي طول
و النونو سميناها
"لينة"
ايه رأيك في الاسم بأه
:)
نكهة مغربية
ربنا يكرمك يا نكهة يا جميله
الله يبارك فيكي
و انتوا كمان وحشتوني اوي
لقد خلقنا الله احرارا
الله يسلمك يا جميل
و برضه ماتنسوش خالي في دعائكم
جزاك الله كل الخير
ستيته حسب الله الحمش
انا شيلت الموضوع بتاع خالي علشان كنت كل ما ادخل اكتب حاجة نفسي تتسد و اتكد و افقل تاني
فأنا شيلته علشان ما انكدش علي حد تاني
و الناس مش ناقصة نكد برضه
و بعد كده اتلهيت في الفقس
و الحمد لله ربنا كرمنا و رزقنا ب(لينة)بتاعة مسرحية المتزوجون
:)
TOTA
كويس ان اول مرة في المناسبة السعيدة ديه
و يا رب ماتكونش اخر مرة
نورتينا
:)
أليس في بلاد العجائب
ربنا يكرمك يا اليس
و جزاك الله خيرا علي سؤالك الدائم علينا
ادعوله بس علشان ربنا يردله صحته
علشان الموضوع ده مضيع اي حاجة حلوة
ربنا يشفيه يا رب
موناليزا
الله يبارك فيكي يا قمر
الحمد لله علي كل حال
جزاك الله خيرا
BIBERSS
الله يبارك فيك يا فندم
:)
ربنا يسترها علينا من الالفلونزات اللي موجودة
Bent Men ElZaman Da !!
الله يبارك فيكي
و آآآآآآآآمين يا رب
نورتينا يا فندم
:)
دعاء
الله يسلمك يا جميل
و معلش علي التاخير في الرد علشان الست هانم مش بتديني فرصة استريح خااالص
ماتنسوش خالي في دعائكم
ان الله مع الصابرين
وعلي قدر الصبر والاحتمال يجي الثواب والفرج باذن الله
ربنا يعافيه ان شاء الله قريب و ميوريش حد حاجة وحشة في عزيز ابدا
وربنا يباركلك في لينة و تشوفيها زينة البنات ان شاء الله
وفي ذريتك جميعاان شاء الله واهل بيتك
موني مبرووووووووووووووووووووووك ألف حمد الله على سلامتك يا حبيبيت و حمد الله على سلامة وصول النونو سمتوها ايه؟؟
و ربنا يتمم شفاء خالك على خير يا رب.
نورتينا
الف الف مبروك
مع انها متأخرة اوى
ده عيد ميلاد لينه قرب
حمدا لله على سلامتك
و شدى حيلك عشان الجيل التالت ده متعب
ربنا يخليها لك يا رب
و يبارك لك فيها
ان شاء الله تكونوا بخير
مبروك و الف سلامة
وربنا يكرم خالك بالشفاء الكامل باذن الله
يارب
كل سنة وانتم طيبين و عيد سعيد جايب الخير لكم وللمسلمين جميعا ان شاء الله
اكثري من الدعاء هذه الايام المباركة
تقبل الله طاعاتكم و بارك لكي في اسرتك
ربي يبارك في النونة و أم النونة و دلعي النونة وسيبيها تعذبك و تصحيكي ووووو ..سنة الحياة ...في انتظار عودتك
Post a Comment